Nagretiro na si DSSD Head Pacita Tero subong nga adlaw, Martes matapos nalambot ang mandatory age of retirement nga 65 anyos.
Si Tero ang nagserbisyo sa LGU sang Bacolod sang kabug-usan nga 9 ka tuig kag head sang DSSD sang masobra pito ka tuig kag nakapangalagad man sa iban nga opisina sang gobyerno.
Sa interview sang Aksyon Radyo, ginpahayag ni Tero, nga nagapasalamat ini sa mahal nga Makaako sa paghatag sa iya sang mabakod nga tagipusuon kag dedikasyon sa pagserbisyo.
Para kay Tero, sa pihak sang mga batikos nga iya na eksperiensyahan, padayon sini nga nagatrabaho bangud ang Ginoo amo ang naghatag sa iya sang posisyon kag kusog sa pagserbisyo.
Nagpasalamat si Tero sa publiko kag sa katapo sang media nga nagbulig palab-ot sang impormasyon kag anunsyo sa mga Bacolodnon.
Sa karon nagaproseso na sang clearance si Tero samtang magaserbe nga officer-in-charge sang DSSD si Sally Abelarde.
