MENU

DUGANG NGA BONUS GINTALAKAY SANG PACE KAY GOV. LACSON

  • at 5:52 pm
Share on facebook
Share on pinterest
Share on twitter
Share on print

Nagsapol ang Progressive Alliance of Capitol Employees (PACE) may kaangtanan sa ila plano nga pagpangabay kay Governor Bong Lacson nga dugangan sang P5,000 ang P25,000 nga Collective Negotiation Agreement (CNA) Incentives subong nga tuig 2023.

Suno kay PACE President Ruben Diamante, nagalaom sila nga paboran sang gobernador ang ila pangabay bilang dugang nga benepisyo sang mga regular kag casual nga empleyado sang probinsiya.

Dugang ni Diamante, may Department of Budget and Management (DBM) circular napetsahan Nobyembre 10, 2023, nagasiling nga indi dapat maglapaw sa P30,000 ang CNA Incentives subject sa availability sang pondo.

Una diri, gin-aprubahan sang Sanguniang Panlalawigan ang 3-year CNA sa tunga sang gobyerno probinsiyal kag PACE.

Suno kay Diamante, ang CNA subong nga tuig ang magatapos na sa bulan sang Desyembre apang subject renewal kada tatlo ka tuig.

What’s your Reaction?
+1
0
+1
0
+1
0
+1
0
+1
0
+1
0
+1
2

KAP GONZALES-PALLEN WALA KONTRA SA PAGKA LNB PRESIDENT

December 6, 2023

Wala sang kasumpong si Kapitan Lady Gles Gonzales-Pallen sang Barangay Taculing matapos nag file sang kandidatura sa pagka Presidente sang Liga ng mga Barangay sa Bacolod.

Myerkules sang hapon, Disyembre 6 sang opisyal na nga nagtakop ang filing sang kandidatura para sa eleksyon sang Liga nga gintalana sa Disyembre 15.

Suno kay Kapitan Carl John Magno, sang Barangay 14 kag pamuno sang nomination committee, nagaisahanon nga nag-file sang COC sa pagka presidente si Gonzales-Pallen.

Nag file sang kandidatura sa pagka bise-presidente si Franz Tiongco, Kapitan sang Barangay Mansilingan kag Kapitan Jose Maria Leandro De Leon sang Barangay Vista Alegre sa pagka Auditor

Kalakip man nga nagfile sang COC sa pagka Board of Diretors sanday Kapitan Elmer Villanueva sang Barangay 40, Kapitan John Pettiere sang Barangay 30, Kapitan Rodney Carmona sang Barangay Sum-ag, Kapitan Yolanda Noble sang Barangay Pahanocoy, Kapitan Armando Vito sang Barangay Granada, Kapitan Jerry Tingson sang Barangay Estefania,Kapitan Lope Ledesma sang Barangay 24, Kapitan Baldo Benjamin sang Barangay Banago kag Kapitan Rommel Flores sang Barangay Villamonte.

Samtang nakanselar naman ang COC ni Kapitan Ruben Miranda sang Barangay 35 bangud wala ma-comply ang requirements.

Walo lamang ang pagapilion sa pagka board of director.

What’s your Reaction?
+1
0
+1
0
+1
0
+1
0
+1
0
+1
0
+1
0

BACOLOD GINKILALA NGA 2ND RUNNER-UP SA LOCAL LEGISLATIVE AWARDS 2023

December 6, 2023

Ginkilala ang Sangguniang Panlungsod sa syudad sang Bacolod bilang 2nd runner-up sa Local Legislative Awards 2023 para sa highly-urbanized category nationwide.

Ginbaton ni Vice Mayor El Cid Familiaran ang pasidungog kaupod ang pila ka mga konsehal sang Bacolod sang Martes, Disyembre 5.

Ini nga pagkilala ang base sa programa sang DILG kaupod ang Philippine Councilors League.

Nangin kampeon para sa highly-urbanized category ang syudad sang Quezon samtang 1st runner-up ang syudad sang Mandaue.

Ginpahayag ni Familiaran, 2019 tubtob 2022 nga datus ang ginbasehan sa evaluation. Suno sa bise-alkalde, nalutos sang Bacolod ang 33 ka iban pa nga HUCs gikan sa iban nga rehiyon.

Ginbasehan sa evaluation ang Responsiveness of the Legislative Agenda; Availability of Legislative Documents; Effectiveness and Efficiency of Performance of the Sanggunian; kag Legislative Citations and Awards and Capacity Development for Legislators and Staff.

Ginbaton sang Bacolod ang 50 mil pesos nga premyo. | Councilor Jason Villarosa Photos

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.