Liwat nga pagabuksan sang gobyerno probinsiyal para sa mga regular nga pasyente, ang Valeriano M. Gatuslao Memorial District Hospital sa syudad sang Himamaylan, kag Valladolid District Hospital.
Ginpahayag ni Governor Bong Lacson nga sa maabot nga Desyembre 1, posible na nga makabaton sang tanan nga sahi sang pasyente ang amo nga mga hospital, bangud sa pagnubo sang aktibo nga kaso sang COVID-19.
Suno sa gobernador, ang Cadiz District Hospital amo na lamang ang magapabilin bilang COVID-19 center.
Nagalaom si Lacson nga indi na magbalik ang pagsaka sang COVID-19 cases kag dalayon na nga matapna antis matapos ang subong nga tuig.
Nagligad nga Setyembre, gindesignar bilang COVID-19 center ang hospital sa Himamaylan kag Valladolid, bangud sa pagdamo sang kaso sang COVID-19 .
Sa rekord sang Provincian Incident Managemet Team Nobyembre 28, 2021, yara na lamang sa 487 ang aktibo nga kaso sang COVID-19 kag wala man sang dugang nga napatay. | Aksyon Marlon Genovea
