DUHA KA ENKWENTRO NAGLUNTAD SA KABANKALAN

Share on facebook
Share on pinterest
Share on twitter
Share on print

Duha ka enkwentro ang nagluntad sa tunga sang mga rebelde kag 94th Infantry Batallion sa kabukiran sang Barangay Carol-an, syudad sang Kabankalan City, Lunes sang hapon, Mayo 6, 2024.

Ginpahayag ni 94th Infrantry Batallion Commander LTC Van Donald Almonte, ang una nga engkwentto natabo alas 3:30 sang hapon sa diin napulo ka minuto ang pagbaylohanay sang lupok samtang alas 4:30 sang hapon, liwat naman nga naengkwentro sang mga militar ang nagapalagyo nga NPA sa tri-boundary sang Kabankalan, Ayungon kag Mabinay, Negros Oriental.

Nagapati si Almonte nga may mga pilason sa hanay sang NPA matapos nakita ang mga tinulo sang dugo sa lugar sang engkwentro.

Ginapahayag ni Almonte nga wala sang napilasan sa hanay sang mga kasundaluhan samtang nagapadayon ang manhunt operation sang mga katapo sang 94th Infrantry Batallion sa paglagas sa 10 ka mga NPA.

What’s your Reaction?
+1
1
+1
2
+1
0
+1
0
+1
0
+1
0
+1
0

DA 6: POSIBLE NA MAGPATIGAYON SANG CLOUD SEEDING SA NEGROS OCCIDENTAL

Posible na ang pagpatigayon sang cloud seeding operations sa Negros Occidental.

Ini ang ginpahayag ni Department of Agirculture Assistant Regional Director Engr. Jose Albert Barrogo.

Sa phone patch interview, Myerkules, ginpahayag ni Barrogo, nga may nakit-an na nga seedable clouds sa probinsya rason nga posible na ang pagpatigayon sang cloud seeding.

Isa sa ginatan-aw ni Barrogo nga hangkat amo ang pondo sa cloud seeding nga magalambot sa 6 milyones pesos.

Suno kay Barrogo, nagpadulong si Regional Director Dennis Arpia sa Manila para magpangabay sang pondo sa office of the secretary sang DA.

Ginklaro ni Barrogo, nga sakop sang sini nga cloud seeding ang bug-os nga Western Visayas.

Ginpahayag ni Barrogo, may mga pag-ulan na nga ma eksperiensyahan pero pila lamang ka minutos pero magapabilin pa sa below normal ang temperatura sa bulan sang Mayo tubtob Hunyo 2024.

What’s your Reaction?
+1
0
+1
0
+1
0
+1
0
+1
0
+1
0
+1
0

DUGANG NGA 17 KA NEGOSYO SA BACOLOD, GINPASIRA

17 ka dugang nga establisemento sa syudad sang Bacolod ang ginpasirad-an sang syudad umpisa Mayo 1 tutub 15, 2024 bangud sa pag-operar nga wala sang business permit.

Suno kay City Legal Officer Atty. Romeo Carlos Ting, Jr. una nga gin-isyuhan sang ikaduha nga notices ang tag-iya sang mga business establishments agud magproseso sang ila permits apang wala magtuman, kabangdanan nga gin-implementar sang CLO-Enforcement Team ang closure order.

Dugang pa ni Ting, kalabanan nga mga ginpasirad-an amo ang mga karenderya sa nagkalain-lain nga barangay sa syudad.

Gina-implementar sang syudad ang closure order basi sa Revised Revenue Code sang syudad sang Bacolod kag sa rekomendasyon sang Permits and License Division Office (BPLO).

What’s your Reaction?
+1
1
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.