Dakop ang duha ka mga kawatan matapos naaktuhan nga ginakawatan ang isa ka puluy-an sa Sitio Cogon 3, Brgy Alimango, syudad sang Escalante pasado las 4 sang kaagahon, Disyembre 4.
Ang mga suspetsado ginkilala nga sanday Jobert Calabroso, 26 anyos kag Paolo Caldito nga pareho residente sang Barangay Balintawak, syudad sang Escalante.
Sa imbestigasyon sang Escalante PNP, ginguba sang mga suspek ang kandado sa mayor nga pertahan sang balay ni Cristina Manunag, 27 anyos.
Diri sila naglabay pasulod sa isa ka kwarto kun sa diin nahamtang ang mga gadgets.
Nakit-an mismo ni Manunag nga ginakuha sang mga suspek ang isa ka cellphone, isa ka grinder, tatlo ka spare cutting disk kag iban pa nga gamit.
Nadakpan naman ang mga suspek sang nagrespondi nga mga barangay tanod kag karun priso sa custodial facility sang Escalante PNP. | Aksyon John Diaz
