DUHA KA MANGUNGUMA PILASON SANG MAG INAWAY SA SAN CARLOS

Share on facebook
Share on google
Share on pinterest
Share on twitter
Share on print

Pilason ang duha ka mga mangunguma, matapos mag-away sa Sitio Balili, Barangay Prosperidad, Syudad sang San Carlos, Negros Occidental.

Ang biktima ginkilala kay Roland Canabano, 39 anyos, samtang ang suspetsado Fekix Villaver, 50 anyos lunsay may asawa kag tanan nagapuyo sa amo man nga lugar.

Suno sa imbestigasyon sang San Carlos PNP, una nga naglalisay sanday Canbano kag Villaver sa nadula nga hilamon nga ipakaon sa baka tubtob ginlabo sang suspetsado ang biktima gamit ang binangon kag nakabalos ini paagi sa paglampos sa suspetsado gamit ang kahoy.

Ginabulong sa hospital si Canabano bangud sa mga kapilasan, samtang nakaangkon lang sang minor nga pilas si Villaver nga karun yara na sa kostudiya sang otoridad matapos magsungka. | Aksyon Bryan Morden

What’s your Reaction?
+1
0
+1
0
+1
0
+1
0
+1
0
+1
0
+1
0

COMELEC BACOLOD MAGAKUHA SANG 110 KA DESO TECHNICAL STAFF

Magakuha ang Comelec Bacolod sang 110 ka mga DESO Technical Staff sa maabot nga Mayo 9, 2022 nga eleksyon.

Ang DESO Technical Staff amo ang in charge sa paghatag sang Vote Counting Machine Technical Support kag pag assist sa electoral board ukon EBs.

Suno kay Acting Bacolod Election Officer Atty. Revo Sorbito, kaina sang aga Enero 24 may exam nga ginpatigayon sa duha ka batch sang mga applikante para sa amo nga posisyon samtang sa Enero 26 ang isa pa ka schedule sang exam.

Dugang pa ni Sorbito, mas luyag nila nga magkuha sang mga manunudlo bilang DESO Technical Staff kag bukas man sa iban nga aplikante ilabi na ang may ihibalo sa computer.

Samtang, nakabaton na sang go signal ang Comelec Bacolod gikan sa Comelec sa probinsya sa pag release sang listahan sang mga botante sa mga nagapangabay nga mga aspirant.

Suno kay Sorbito, iban sa mga nagapangabay ang nagbilin sang flash drive sa ila opisina kag amat-amat na nga gina asikaso sang mga personnel sang Comelec.

Ang Bacolod City ang may masobra 320 mil ka mga registered voters sa Mayo 9, 2022 nga piniliay.

Samtang, ginpahayag ni Sorbito, nga sa Comelec Central Office na kinahanglan nga ipa register sang mga aspirant ang ila mga official social media accounts.

Ang mga aspirant ang ginhatagan tubtob Enero 31, 2022 para mag pa register sa Education and Information Department (EID).

Sa pihak nga bahin, ginpahayag ni Sorbito, nga padayon pa sini nga ginatipon kag gina-address ang mga concern, kasunod nga tinalikdan nga semana lang ini nagpungko bilang acting election officer sang Comelec Bacolod.

What’s your Reaction?
+1
0
+1
0
+1
0
+1
0
+1
0
+1
0
+1
0

COVID-19 PATIENT, PATAY SANG NAGLUMPAT SA 5TH FLOOR SANG BUILDING SANG HOSPITAL

Patay ang isa ka Covid-19 positive patient matapos nga naglumpat sa isa sa mga building sang Corazon Locsin Montelibano Memorial Regional Hospital, sa Barangay 9, syudad sang Bacolod kaina sang aga, Lunes.

Suno kay Police Station 2 Commander Police Captain Paul Vincent Pendon, naglumpat ang 68 anyos nga lalaki nga residente sang syudad sang Bacolod gikan sa ika-lima nga panalgan sang ospital kag nagtupa sa atop sang water treatment building facility sang ospital.

Dugang pa ni Pendon, nakabati lamang sang mabaskog nga lagabong ang gwardiya sang ospital kag nakita na lamang nga nagahapa sa atop ang pasyente.

Nabali ang tiil kag nakaangkon sang pilas sa ulo ang pasyente nga gintunaan sang iya kamatayon.

Ang napatay isa ka COVID-19 positive patient nga naka-confine sa regional hospital.

Suno kay Pendon, duha ka mga pasyente ang naka confine sa sulod sang Room 511 sang ospital apang ang upod sang napatay ang nakagwa na pasado las 12 ang takna kaina sang udto.

Sa imbestigasyon sang kapulisan nahibaloan nga ginhatagan pa sang bulong sang attending nurse ang napatay pasado las 12:30 sang udto.

Nahibaloan man sang kapulisan nga nag-ayo’ ang napatay nga magwa sa isolation facility.

Suno kay Pendon, mahimo nagtuyo nga magpalagyo ang napatay gikan sa isolation pinaagi sa paglumpat sa building.

Ginpahayag man sang hepe nga wala sang foul play sa amo nga insidente.

Enero 21, 2022 sang nagsulod sa Hospital ang napatay bangud nagpositibo sa COVID-19. | Aksyon John Diaz

Hopeline PH’s 24/7 hotlines:

0917-558-4673 (Globe)
0918-873-4673 (Smart)
02-88044673 (PLDT)
2919 (toll-free for Globe and TM)

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.