DUHA KA MGA POSTE SANG NGCP NATUMBA, BROWN-OUT NA EKSPERIENSYAHAN

Share on facebook
Share on google
Share on pinterest
Share on twitter
Share on print

Pila ka barangay sa siudad sang Bacolod , banwa sang Valladolid, San Enrique, Pontevedra kag pila ka porsyon sa banwa sang Hinigaran ang na-apektuhan sang brownout bangud nag-tripped ang linya sang kuryente nga nagasupply sa amo nga mga lugar.

Ini matapos nga natumba ang duha ka poste sang National Grid Corporation of the Philippines ukon NGCP nga nahamtang sa Barangay Taloc, siudad sang Bago alas 2:22 sang hapon, Oktubre 14.

Suno kay Michelle Visera, NGCP regional corporate communications and public affairs officer for Western Visayas, wala pa mahibalu an kon san-o liwat mabalik ang kuryente bangud ang isa ka poste ang nahamtang sa lugar nga nagsaka ang tubig.

DUHA KA DRIVER NAG AREGLUHANAY MATAPOS ANG AKSIDENTE SA BARANGAY ALIJIS

Nag-areglohanay ang magtimbang nga driver sa natabo ang aksidente kaina sang aga sa Circumferential Road South, Barangay Alijis syudad, syudad sang Bacolod.

Ang driver sang Suzuki Aluminum Van ginamaniho ni Randy Alunan, 34 anyos pumuloyo sang Purok Paho Barangay Taculing syudad sang Bacolod.

Samtang ang Mitsubishi Mini Canter ginamaniho naman ni Michael Tim-tim, 43 anyos kag pumuloyo sang Phase 3 Barangay Handumanan syudad sang Bacolod.

Suno kay Police Senior Master Sgt. Clark Cañon, traffic investigator sang Police Station 7, nagaparking ang Suzuki Aluminum Van sang ginbunggoan ini sang Mitsubishi Mini Canter.

Bangod sang impact natumba ang van kag naglapta sa dalan ang mga goods nga igadeliver sa tyangge.

Suno kay Cañon, naka-angkon sang minor nga kapilasan si alunan kag tim-tim matapos sang aksidente. | Aksyon Eric Magbanua

NEGROS OCCIDENTAL NAKARECORD SANG MANUBO NGA ACTIVE COVID-19 CASES SANG ISA KA SEMANA

Isa ka semana nga nakarekord ang Negros Occidental sang sunod sunod nga pagnubo sa aktibo nga kaso sang coronavirus disease (COVID-19).

Sa datos sang Provincial Incident Management Team (PIMT), nag umpisa ang pagnubo sang Hulyo 21, 2021 sa diin ang kaso naglab-ot sa 1,613 halin sa 1,623 sang Hulyo 20.

Ini ang nagpadayon sa sulod sang pito ka adlaw tubtub nga nangin 1,349 na lamang sang Hulyo 27.

Ginpahayag ni Provincial Administrator Atty. Rayfrando Diaz II, nagnubo naman ang occupancy rate sang mga district hospital sa probinsiya.

Nagapati si Diaz nga resulta ini sang mass vaccination nga ginpatigayon kontra COVID-19. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.