Nagbaton sang pasidungog sadtong Hunyo 20,2022 sanday Lt. Col. Ariel Pico, Force Commander sang Bacolod City Mobile Force Company kag Corporal Willyfredo Victoriano sang Medalya ng Papuri para sa madinalag-on nga pag aresto kay Reylin Holifeña sa Araneta St., Brgy Sum-ag, Bacolod City sadtong Nobyembre 3, 2021 bangud sa krimen nga Adultery.
Gindayaw ni PRO 6 Director Brigadier General Flynn Dongbo ang police operation sang Police Station 2, sa pagpanguna ni Police Captain Paul Vincent Pendon, sa buy-bust operation sa koordinasyon sang PNP Drug Enforcement Group kag Special Operations Unit nga nagresulta sa pagka aresto kay Arnel Sitjar, 40 anyos nga nakuhaan sang 13 ka sachets sang shabu nga nagabalor sang P442,000.00.
Suno kay Lt. Col. Sherlock Gabana, PIO sang BCPO nga padayon nga nagpahanumdom si City Director Col. Thomas Joseph Martir sa PNP personnel nga mag obra sang maayo kag pasanyugon pa ang kampanya batok sa kriminalidad kag illegal nga druga.
Ginakilala man sang City Director ang pagpangabudlay sang tanan nga operating units nga nagabulig para sa kalinong kag katawhayan sa syudad sang Bacolod. | Aksyon Zil Menardo