DUHA KA SOLDADO PATAY SA AMBUSH SA SIPALAY

Share on facebook
Share on pinterest
Share on twitter
Share on print
(Sipalay PNP Photo)

Patay ang duha ka mga katapo sang Philippine Army matapos gin ambush sang mga armado sa Sitio Cambogui-ot, Barangay Camindangan, syudad sang Sipalay kaina sang udto, Hwebes.

Sa report sang NOCPPO, ang mga biktima ang ginkilala nga sanday Sgt. Regie Glendro kag Ssg. Ken Camilan nga parehas nga miembro sang 47th IB intel operatives nga naka base sa Barangay Haba sa banwa sang Candoni.

Suno kay Dionilo Bogtae, executive assistant on public safety sang Sipalay LGU, ang mga bangkay ang nakit-an sa higad sang dalan sang national highway.

Ginatudlo nga lima ka miembro sang CPP-NPA-Terrorists (CNTs) ang nagtiro sa mga biktima nga kurbado nga dalan nga nagresulta sa ila kamatayon.

Suno kay Brig. Gen. Leonardo Peña, commander sang 302nd Infantry Batallion, gintugyanan ang mga biktima nga magpatigayon sang coordination para sa local peace engagement sa lugar sang natabo ang krimen.

(Sipalay PNP Photo)

Nagpalagyo ang mga armado sakay sa duha ka motorsiklo padulong sa Sitio Bolo, Barangay Camindagan, Sipalay.

Narekober sang Sipalay PNP ang pila ka mga empty shell sang armas sa crime scene.

Sa interview sang Aksyon Reports Afternoon Edition, ginpahayag ni Lt. Antony Saing – Deputy chief of Police sang Sipalay PNP, nakuha sa crime scene ang lima ka empty shell sang M16 kag anum ka empty shell sang caliber 45.

Suno kay Saing, sa inisyal nga imbestigasyon, papuli na kuntane ang mga biktima sa ila nga base sa banwa sang Candoni humalin sa intelligence job sang natabo ang ambush.

Dugang pa ni Saing, ila ginatan-aw nga wala makabunot sang armas ukon nakabalos ang mga biktima. Ginpahayag pa sini, nga ang ambush site ang ginabanta 25 tubtob 30 kilometro ang kalayuon sa proper sang Sipalay.

Ginakabig ni Saing nga infested sang mga rebelde ang lugar nga wala sang mga pamalay.

What’s your Reaction?
+1
1
+1
0
+1
0
+1
1
+1
0
+1
0
+1
0

BACOLOD GINKILALA NGA 2ND RUNNER-UP SA LOCAL LEGISLATIVE AWARDS 2023

Ginkilala ang Sangguniang Panlungsod sa syudad sang Bacolod bilang 2nd runner-up sa Local Legislative Awards 2023 para sa highly-urbanized category nationwide.

Ginbaton ni Vice Mayor El Cid Familiaran ang pasidungog kaupod ang pila ka mga konsehal sang Bacolod sang Martes, Disyembre 5.

Ini nga pagkilala ang base sa programa sang DILG kaupod ang Philippine Councilors League.

Nangin kampeon para sa highly-urbanized category ang syudad sang Quezon samtang 1st runner-up ang syudad sang Mandaue.

Ginpahayag ni Familiaran, 2019 tubtob 2022 nga datus ang ginbasehan sa evaluation. Suno sa bise-alkalde, nalutos sang Bacolod ang 33 ka iban pa nga HUCs gikan sa iban nga rehiyon.

Ginbasehan sa evaluation ang Responsiveness of the Legislative Agenda; Availability of Legislative Documents; Effectiveness and Efficiency of Performance of the Sanggunian; kag Legislative Citations and Awards and Capacity Development for Legislators and Staff.

Ginbaton sang Bacolod ang 50 mil pesos nga premyo. | Councilor Jason Villarosa Photos

What’s your Reaction?
+1
0
+1
0
+1
0
+1
0
+1
0
+1
0
+1
0

UKAY-UKAY PAGATUGUTAN SA DALAN ARANETA SA ENERO 1, 2024

Liwat magaplastar ang mga nagakalain-lain nga ukay-ukay vendors sa dalan Araneta sa downtown area sa Enero 1, 2024.

Nagpadala na sang pangabay ang mga asosasyon sa Sangguniang Panlungsod para makabaligya sa dalan Araneta.

Suno kay Councilor Celia Flor, chair sang committee on market, gin accept pa lamang sang iya komitiba ang pangabay kag ini ang talakayon pa sang Local Market Committee.

Pero suno kay Flor, good as approved na ang pangabay matapos nga iya naman napabalo si Mayor Albee Benitez.
Ginpaathag ni Flor, masami na nga gina aprubahan sang konseho ang ini nga pangabay bangud holiday man, wala sang traffic kag ini ang opportunidad nga makabaligya kag maka income ang mga negosyante.

Nagpangabay si Flor sa mahatagan sang special permit nga ipabalin ang katinlo sang ila lugar sa Enero 1.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.