DUHA KA TIIL SANG TAWO NASAPWAN SA BRGY. VILLAMONTE

Share on facebook
Share on pinterest
Share on twitter
Share on print

Ginmandoan ni Bacolod City Director Police Col. Thomas Joseph Martir si Police Capt. Greeky Cayao hepe sang Police Station 4 nga usisaon sang matul-id ang pagbilin sang duha ka tiil sang tawo sa kilid sang isa ka gasolinahan sa CL Montelibano Barangay Villamonte syudad sang Bacolod.

Nakita sa CCTV nga bilin sang nagamotor ang duha ka tiil sang tawo nga naputos sa plastic kaina sang kaagahon durante nagatupa ang mabaskog nga ulan.

Suno kay Martir may nakita nga papel sa tupad sang gin-utod nga tiil nga nakasulat ang pangalan sang mga tawo nga ini karon ang subject sang ila inbestigasyon.

Dugang pa ni Martir, isa naman ini ka pamahog katulad sa natabo nagligad nga Enero sa diin duha ka gin-utod nga kamot sang tawo ang nakita nga ginbilin sa basurahan sang Purok Kagaykay Barangay 2 syudad sang Bacolod. | Aksyon Eric Magbanua

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.