DUHA KA UTOD NGA KAMOT SANG TAWO NASAPWAN SA BASURAHAN; 22 KA MGA NGALAN GIN AKUSAR NGA PUSHER UKON PROTEKTOR SANG DROGA

Share on facebook
Share on pinterest
Share on twitter
Share on print

Nakit-an sa basurahan ang duha ka utod nga kamot sang tawo nga nasulod sa bulutangan sang ice cream nga may langka, batwan kag sabaw, sa Purok Kagaykay, Barangay 2, syudad sang Bacolod mga takna las 6:30 sang aga, Myerkules.

Magluwas sa utod nga kamot, nakit-an man ang papel nga may listahan sang gin alegar mga pusher kag protektor.

Nabutang man sa papel ang paandam nga maguntat na sa iligal nga aktibidad bangud bangud kon indi, sila ang masunod nga mabiktima kag ini ang ipaagi sa raffle.

Ang manughakot sang basura sang IPM-CDC ang una nakakita sang utod nga kamot kag ginreport sa Barangay 2 tubtob sa kapulisan.

Pila lamang ka metros ang kalayuon sang basurahan halin sa Barangay Hall sang Brgy. 2.

Ang kamot ang yara karon sa ABE Funeral kag pagausisaon sang SOCO.

IMBESTIGASYON SANG POLICE STATION 2

Nag-request si Station 2 commander Police Capt. Jonito Pastrana, hepe sang Police Station 2, sang laboratory examination para sa DNA kag Finger Print sa duha ka kamot nga nakita sa basurahan.

Suno kay Pastrana, nakita sa CCTV nga mga las dos tubtub las kwatro sang kaagahon nga may van nga nagdulog kag nagtiner sang apat ka minutos antis nakita ang duha ka utod nga kamot sang tawo.

Apang indi pa sigurado si Pastrana kon ang van guid man ang nagbilin sang utod nga kamot sa basurahan.

Gina-validate sang Police Station 2 ang mga ngalan nga nasulat sa papel.

Ini matapos gin angot ang katorse ka mga ngalan sa operasyon sang druga sa Barangay 2 syudad sang Bacolod.

Gina check sang kapulisan sa ila drug watchlist kon yara man sa ila listahan ang  mga ngalan.

Indi pa sigurado si Pastrana kon bala ang gin-utod nga duha ka kamot sang tawo nga ginlaktan sang langka ang may angot sa druga.

PAHAYAG SANG BARANGAY 2

Bukas ang Barangay 2 sa pag istorya sa mga persona nga nalakip ang ila ngalan sa listahan nga gin alegar pusher kag protektor sang ilegal nga droga.

Sa interview sang Aksyon Radyo, ginpahayag ni Kapitan Emelda Banguanga, iya kilala ang ngalan nga nabutang sa listahan nga residente sang Barangay 2.

Para sa Kapitan, ini ang kahigayunan sang mga nalakip sa listahan nga maklaro ang ila ngalan sa isyu sang droga.

Sa impormasyon ni Banguanga, kalabanan sa listahan ang napreso bangud sa droga samtang iban ang nakagwa na. Gintugyan sang Kapitan sa kapulisan ang pag validate sang listahan.

What’s your Reaction?
+1
0
+1
0
+1
0
+1
0
+1
0
+1
0
+1
2

HOSPITAL SA SAGAY BALIK NA SA PAGBATON SANG ADMISYON SA MGA PASYENTE

Balik na ang pagbaton sang admisyon sa mga pasyente ang Alfredo E. Marañon Sr. Memorial District Hospital (AEMSMDH) sa syudad sang Sagay Negros Occidental.

Ini ang public advisory sang tagdumalahan sang hospital matapos ang temporary suspension sa patients admission umpisa nagligad nga Enero 21, bangud nalab-ot na ang 70-bed capacity. 

Ginpahanumdum man sang hospital nga ang tanan nga mga pasyente ang ipaidalom sa proper screening sa admission procedures kag referral sa iban nga mga  government hospitals.

Ini nga hospital ang isa lamang sa tatlo ka mga bululngan sa Negros Occidental nga ginadumalahan sang local government unit.

Ang duha amo ang Calatrava District Hospital kag Vicente Gustilo District Hospital sa syudad sang Escalante.

Samtang  ang 9 ka mga district hospitals ang ginadumalahan naman sang gobyerno probinsiyal. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.