Naaresto sang National Bureau of Investigation ang duha ka persona nga wala lisensya kag permiso agud magpataya sang Small Town Lottery (STL) sa Libertad-Mabini Street mga las 9:30 kaina sang aga, Biyernes ,Agosto 5, 2022.
Suno kay NBI Bacolod Chief, Atty. Renoir Baldovino, nakabaton sila sang impormasyon nga may naga operate kag naga pataya sang STL sa sulod sang Libertad Market sa Bacolod City rason nga sila ang nag patigayon sang operation.
Dugang pa ni Baldovino, naabtan sang operatiba ang duha nga naga pataya.
Ang mga nagakaladakpan amu sanday Arkens Espida kag Reynne Lopez yara sa legal nga edad kag lunsay residente sang Bacolod City.
Ginpasakaan na sang kaso ang duha ka suspek nga Pagsupak sa PD 1602 as amended by Sec 3, paragraph C of RA 9287 ukon ang laye nga nagapatuman sang multa sa mga naga pakigbahin sa iligal nga panahor.
Narekober sa mga suspek ang mga STL tickets kag 1,500 pesos nga cash nga gina patihan pusta.
Paathag sang NBI wala sila sang basehan nga franchise , authority kag permit suno sa intel report kag sang tinalikdan pa nga semana ang pagsugod operate . | Aksyon Zil Menardo
