E-KONSULTA NGA PROGRAMA SANG BACOLOD SA TAGSA KA MGA BARANGAY MAGA PADAYON SUNO KAY PUENTEVELLA

Share on facebook
Share on pinterest
Share on twitter
Share on print

Naga padayon sa karon ang e-konsulta program sang lokal nga panguluhan sang Bacolod sa nagkalain lain nga mga Barangay sa palibot sang syudad bilang kabahin sang Bacolod City Comprehensive Health Care Program nga gina patuman sang karon nga administrasyon.

Suno kay Councilor Kalaw Puentevella, chair sang committee on health, yara sa kapin 10,000 ka mga Bacolodnon ang target nga mangin benepisaryo sang amo nga programa nga sa nahibaluan nag umpisa sa bahin sang Bacolod Government Center.

Dugang pa ni Puentevellla, indi lamang ang e-konsulta nga atibidad ang nangin kabahin sang amo nga programa kundi kalakip man diri ang mga gin patigayon nga mga Medical Mission.

Sa pihak nga bahin, gin klaro man sang konsehal nga naga padayon pa sa karon ang pag proseso sang mga BacCHP application sa tagsa ka mga Barangay. | Aksyon Art Tayhopon

What’s your Reaction?
+1
0
+1
0
+1
0
+1
0
+1
0
+1
0
+1
0

NAPULO KA WATER REFILLING STATIONS SA E.B MAGALONA WALA SANG SANITARY KAG BUSINESS PERMITS

10 sa 37 ka mga naga-operate nga Water Refilling Station sa banwa sang EB Magalona ang wala sang sanitary kag business permit.

Sa interview sa Aksyon Hotline, ginpahayag ni EB Magalona Mayor Marvin Malacon nga temporaryo niya ginpasira ang napulo ka mga water refilling station nga samtang naga-proceso pa sang ila dokumento.

Suno kay Malacon, nagpatigayon sila kahapon sang pagsinapol upod sa mga tag-iya sang water refilling station sa ila nga banwa kag didto ginpanugyan sa owners ang ila pagahimuon nga tikang agud masiguro nga matinlo ang ila ginabaligya nga tubig.

Nahibaloan, ang banwa sang EB Magalona ang naka-record sang isa ka kaso sang Cholera sa diin naka-rekober na man ang pasyente.| Aksyon Dorel Cabatu via Aksyon Hotline

What’s your Reaction?
+1
0
+1
0
+1
0
+1
0
+1
0
+1
0
+1
0

LPP PABOR SA PAGPAISOL SANG SK KAG BRGY. ELECTIONS SA OKTUBRE 2023

Pabor ang League of Provinces of the Philippines (LPP) sa pagpaisol sa barangay kag Sangguniang Kabataan (SK) elections sa Oktubre 2023.

Suno kay Negros Occidental Governor Bong Lacson, isa ini sa mga topiko nga gintalakay sa ginpatigayon nga 2nd LPP General Assembly sa syudad sang Koronadal South Cotabato nagligad nga Setyembre 30.

Dugang ni Lacson, pagahulaton na lamang nila nga mga gobernador ang pagpirma ni Presidente Bongbong Marcos Jr. sa hagna.

Nagligad nga Miyerkules ginratify sang Kamara ang bicameral conference committee report sang hagna, antis isumiter sa Malacañang para pirmahan ni Presidente Marcos.

Ang House Bill No. 4673 ang nagatalana sang brgy. kag SK elections sa una nga Lunes sang Desyembre 2023, samtang ang Senate Bill No. 1306 ang nagatalana naman sa ikaduha nga Lunes sang Desyembre 2023.

Apang ginkasugtan sang bicameral conference committee nga italana ang eleksyon sa katapusan nga Lunes sang Oktubre 2023. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.