EMPLEYADO SANG BRGY. SINGCANG-AIRPORT GINBUNO PATAY

Share on facebook
Share on google
Share on pinterest
Share on twitter
Share on print

Patay ang miembro sang LGBT kag Assistant Barangay Secretary sang Barangay Singcang Airport matapos ginbuno sa Alice Street Barangay Singcang, syudad sang Bacolod, kaina sang kaagahon, Hwebes.

Si Reynold Apuhin sang Purok Sampaguita dos Barangay Singcang ang may igo sang buno sa dughan kag liog nga nagresulta sang iya kamatayon.

Suno kay Police Major Joery Puerto, hepe sang Police Station 8, posible may utang ang duha ka persona nga iya ginlagas antis siya ginbuno.

Nagapati si Puerto nga ang persona ginlagas sang biktima amo man ang mga persona nga ginlagas niya sadtong Agosto uno nga nakita man sa CCTV.

Wala man ginadula sang kapulisan ang anggolo nga posible love triangle.

Nagapanawagan si Kapitan Rosinie Distrito, sa posible nakakita sa pagpatay kay Apuhin nga magpakig-angot sa Barangay ukon sa kapulisan para masolbar ang ini nga kaso.  

Ginkumpirmar man ni Distrito nga si Apuhin ang empleyado sang Barangay kag nagaserbi bilang office clerk kag Assistant Secretary. 

Dugang pa ni Distrito, daku ang kadulaan sa Brgy. Singcang sa pagpatay sa bikaima nga iya ginalaragway nga mabuot, pisan kag wala kontra sa barangay.  

Nagapangayu sang hustisya ang pamilya Apuhin.

Suno kay Pacita Apuhin, iloy sang biktima, nga si Reynold Apuhin gradwado sa kurso BS IT kag mas ginpili nga magserbi bilang Assistant Sec. sang Barangay Singcang Airport sa masobra 10 na ka tuig. 

Ginlaragway sang iloy ang iya bata bilang isa ka mabuot, relihiyoso kag responsable nga bata nga ang handum makabulig sa pamilya kag kumunidad.  | Aksyon Eric Magbanua, Aksyon Alvin Grava

What’s your Reaction?
+1
0
+1
0
+1
0
+1
1
+1
0
+1
0
+1
0

BACOLOD CDRRMO NAGPANGABAY SANG DUGANG NGA PERSONNEL PARA SA DECLOGGING TEAM

Nag request na sang dugang nga mga personnel para sa declogging team ang CDDRMO sa syudad sang Bacolod.

Suno kay incoming Executive Assistant kag CDRRMO cluster head Aaron Bais, tigayon na sini nga napa lab-ot ang amo nga concern sa City Administrator kag iya na lamang gina hulat ang pag akto sang Alkalde.

Dugang pa ni Bais, may yara lamang sa karon sang 8 man team nga naga duty sa ila talatapan nga amo ang naga tutok sa amo nga operasyon.

Suno pa kay Bais, naga padayon na sa karon ang ila declogging operation sa mga drainage system kag pila ka mga water ways sa palibot sang syudad nga masami naga taas ang tubig sa tagsa nga magtupa ang madamol nga ulan.

Samtang, plano ni Bais nga magpatigayon sang modification sa water level alert warning system sa palaabuton.

Suno kay Bais, luyag sini nga mismo sa tagsa ka mga komunidad ipahamtang ang color coded warning signages para sa komprehensibo nga sistema kag aksyon nga himuon sa palabuton.

Dugang ni Bais, kinahanglanon man sini ang kooperasyon kag suporta sang tagsa ka mga Barangay angut sa tuyo sini nga magpatigayon sang training kag information and education campaign.

Naga pati man ini nga may yara sang naga kaigo nga pondo ilabi na ang ang dalagko nga mga Barangay para sa amo nga programa, samtang gina dihon pa sang syudad ang medium kag long term solution angut sa problema sang baha.

| Aksyon Art Tayhopon

What’s your Reaction?
+1
0
+1
0
+1
0
+1
0
+1
0
+1
0
+1
1

PULUPANDAN MAYOR PEÑA NAPILIAN NGA LMP-NEG OCC PRESIDENT

Napilian bilang bag-o nga presidente sang League of Municipalities of the Philippines (LMP) Negros Occidental Chapter si Pulupandan Mayor Miguel Antonio Peña.

Siya ang gin-iliher sa ginpatigayon nga eleksyon sang Biyernes Agusto 5, 2022, sa Sugarland Hotel syudad sang Bacolod.

Ang iban pa nga mga bag-o nga opisyal amo sanday La Castellana Mayor Rhumyla Nicor-Mangilimutan bilang bise presidente, Secretary – Cauayan Mayor Rey Tabujara, Treasurer – Pontevedra Mayor Jose Maria Alonso, Auditor – Hinobaan Mayor Daph Anthony Reliquias, Public Information Officer – Isabela Mayor Irene Montilla, kag mga board of directors nga sanday Candoni Mayor Ray Ruiz, Murcia Mayor Victor Gerardo Rojas kag Toboso Mayor Madonna Jaojoco.

Sila ang gilayon nga nagpanumpa kay Calatrava Mayor Marilyn Era.

Si Peña ang nagbulos kay Valladolid Mayor Enrique Miravalles nga nagserbe bilang LMP President umpisa 2019 tubtub 2022. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.