MENU

EMPLEYADO SANG LA CARLOTA WATER DISTRICT GINLUTHANG, PATAY

  • at 8:07 am
Share on facebook
Share on pinterest
Share on twitter
Share on print

Ginluthang-patay ang empleyado sang La Carlota Water District sa Barangay Cubay syudad sang La Carlota las 11:48 sang aga, Biernes (Nobyembre 17).

Suno kay Police Executive Master Sergeant Nilo Genosa, imbestigador sang La Carlota PNP, ang biktima ang ginkilala kay Wilbert Solina, legal ang edad.

Pagpahayag ni Genosa, nagamaneho sang motorsiklo si Solina sang ginluthang sang wala pa makilala nga mga suspetsado.

Ang tagluthang ang sakay sa isa ka pribado nga salakyan.

Pilas sa guya ang naangkon ni Solina kag ginhingagaw pa nga madala sa ospital apang ini ang ginbawian sang kabuhi.

Sa karun padayon pa ang imbestigasyon sang kapulisan sa sini nga insidente.

What’s your Reaction?
+1
0
+1
0
+1
0
+1
0
+1
0
+1
0
+1
0

KAP ALCANTARA LUYAG MAKASAPOL ANG ALKALDE MATAPOS GIN ISYU NA ANG NOTICE TO VACATE

December 6, 2023

Ginpahayag ni Barangay 12 punong Barangay JR Alcantara nga liwat pa sila maga-istorya kay Bacolod City Mayor Albee Benitez sa pihak nga ginhatagan nalang ang mga residente sg tubtob Enero 8, 2024 nga maghalin sa lugar.

Suno kay Alcantara, nagalaum sila nga sa pihak nga ginpapanaugan na sang notice to vacate pahanugutan sang alkalde ang ila pangabay nga patapuson ang anum ka bulan antes sila maghalin.

Dugang pa, subong nga adlaw makadto si Alcantara sa Bacolod Housing Authority para hibaluon kon ngaa sa 50 ka mga apektado nga residente, 32 lang ang kwalipikado para sa relocation site kag mahingyo sa alkalde nga mabuligan ang mga residente nga financial assistance lang ang mabaton kag wala sang sayluhan.

Tinguhaan man sang barangay nga makahatag sila sang dugang nga bulig sa mga apektado nga residente.

What’s your Reaction?
+1
0
+1
0
+1
0
+1
0
+1
0
+1
0
+1
0

UKAY-UKAY PAGATUGUTAN SA DALAN ARANETA SA ENERO 1, 2024

December 6, 2023

Liwat magaplastar ang mga nagakalain-lain nga ukay-ukay vendors sa dalan Araneta sa downtown area sa Enero 1, 2024.

Nagpadala na sang pangabay ang mga asosasyon sa Sangguniang Panlungsod para makabaligya sa dalan Araneta.

Suno kay Councilor Celia Flor, chair sang committee on market, gin accept pa lamang sang iya komitiba ang pangabay kag ini ang talakayon pa sang Local Market Committee.

Pero suno kay Flor, good as approved na ang pangabay matapos nga iya naman napabalo si Mayor Albee Benitez.
Ginpaathag ni Flor, masami na nga gina aprubahan sang konseho ang ini nga pangabay bangud holiday man, wala sang traffic kag ini ang opportunidad nga makabaligya kag maka income ang mga negosyante.

Nagpangabay si Flor sa mahatagan sang special permit nga ipabalin ang katinlo sang ila lugar sa Enero 1.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.