MENU

ESPINO: PLEB MAY ISA NA LAMANG KA PENDING CASE

  • at 5:23 pm
Share on facebook
Share on pinterest
Share on twitter
Share on print

Target ni Bacolod Councilor Al Victor Espino nga masolbar ang nabilin nga kaso sa People’s Law Enforcement Board ukon PLEB antes magtakop ang subong nga termino.

Ginpahayag ni Espino, chair sang PLEB, may isa na lamang nga kaso ang pending kag ini ang natalana talakayon sa hearing sa maabot nga Biernes nga adlaw.

Ang pending nga kaso ang batuk sa isa ka pulis nga karon aktibo pa sa serbisyo. Suno kay Espino, iban nga kaso ang nasolbar na samtang wala na sang reklamo nga nabaton ang PLEB sang nag umpisa ang pandemya.

Ang PLEB ang nagabaton sang reklamo batuk sa mga officers kag miembro sang Philippine National Police.

What’s your Reaction?
+1
0
+1
0
+1
0
+1
0
+1
0
+1
0
+1
0

6K KA BAG-O NGA PWD IDs NA ISYU NA SANG DSSD BACOLOD

April 25, 2024

Naglambot na sa 6 mil ka mga bag-o nga PWD IDs ang na release sang DSSD Bacolod pila ka adlaw ang nabilin antes ang deadline nga Abril 30, 2024.

Ginpahayag ni Alma Gustilo, officer-in-charge sang DSSD Bacolod, 8 mil ang populasyon sang mga PWDs sa Bacolod kag ginapangabay nga indi na paghulaton ang deadline sa pagkuha sang ID nga may QR Code para malikwan ang magdinaguso.

Suno kay Gustilo, ang PWD nga mabudlay ang sitwaston, ang pwede makigangut sa mga PWD association sa Barangay sa pag proseso sang ila nga ID.

Bukas ang Government Service Express sang LGU kag Bacolod Express Service Office sa Ayala Malls sa Sabado kag Dominggo nga adlaw.

Umpisa Mayo 1, 2024 indi na valid ang daan nga PWD ID sang Bacolodnon kon wala sang QR Code.

What’s your Reaction?
+1
0
+1
0
+1
0
+1
0
+1
0
+1
0
+1
0

TRICYCLE DRIVER, PATAY SANG GINTIRO SA BARANGAY CABUG

April 25, 2024

Dead on arrival sa Corazon Locsin Montelibano Memorial Regional Hospital ang isa ka tricycle driver matapos ginluthang sa sulod sang Deca Homes Subdivision, Barangay Cabug, syudad sang Bacolod, alas 4:11 sang hapon, Hwebes, Abril 25.

Ang biktima ginkilala kay Teresito Gepelga, 56 anyos residente sang Block 67, Deca Homes, Brgy. Cabug.

Sa inisyal nga pagpangusisa ni Police Captain Michael Tuburan, hepe sang police station 9, nagaparking si Gepelga sa kilid sang dalan sang ginpalapitan sang wala makilala nga suspek kag ginluthang gamit ang wala mahibaluan nga kalibre sang armas.

Dugang pa ni Tuburan, ginhingagaw pa kon tani dala ang biktima sa ospital ang gindeklarar nga dead on arrival matapos nakaangkon sang malubha nga pilas sa ulo.

Sa karon nagapangita pa ang kapulisan sang dugang nga CCTV samtang indi pa ma-establisar ang motibo sa pagpatay kag pagkilala sa suspek.

What’s your Reaction?
+1
0
+1
0
+1
0
+1
1
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.