Ginpahayag ni Bacolod EOC Executive Director Em Ang nga prerogative sang establisamento kon ila ipatuman ang no vax card, no entry policy.
Suno kay Ang, option ini sang mga establisamento sa tuyo nga masiguro nga indi malatnan ang ila mga empleyado nga kon magpositibo, malawig ang isolation period.
Pero ginklaro ni ni Ang, nga wala pa sang guidelines nga nabaton ang Bacolod EOC angut sini gikan sa gobyerno nasyunal.
Para kay Ang, iya gina abi-abi ang ini nga tikang bilang mitigating measure kontra sa paglapta sang Covid-19.
Sa nahibaluan, sa pagsulod sa SM City Bacolod, nagapangita ang gwardya sang vaccination card sa mga mall goer, kon wala sang vax card sila ang gina abisohan nga magpadulong sa lobby sang sinehan para magpabakuna ukon ginatugutan lamang sa pagbakal sang essential goods.