FERRER WALA SANG PLANO MAGPAPILI SA PAGKA GOVERNOR KON YARA SA PWESTO SI LACSON

SHOW CAUSE ORDER KAG PREVENTIVE SUSPENSION IGA ISYU SA GINALEGAR NAG RETOKE SANG RESIBO

Maga isyu ang Bacolod City Legal Office sang show cause order kag 60 dias nga preventive suspension batuk sa kahera sang City Treasurer’s Office nga assign sa Bacolod Traffic Authority Office (BTAO).

Nag ugat ang reklamo matapos 1,300 pesos ang ginbayad sang traffic violator pero 300 pesos lamang ang nag sulod sa syudad.

Ginpahayag ni City Legal Officer Atty. Romeo Carlos Ting Jr., sa tion nga ma kompleto ang mga dokumento, maga isyu ang ila opisina sang show cause kag preventive suspensyon posible sa masumod nga semana.

Ginpahayag ni Ting, mabug-at ang offense nga pag tamper sang opisyal na resibo kag termination sa trabaho ang penalidad.

Suno kay Ting, nag isyu man si City Treasurer Arlene Memoria sang notice to explain sa ginareklamo nga kahera sa sulod sang 72 oras kag ang iya sabat ang ipaidalum sa evaluation sa pag isyu sang show cause kag preventive suspension.

Ginklaro ni Ting nga isa lamang ang kahera nga gin assign sa BTAO. Paathag pa ni Ting, nga dapat computerized ang balayran kag amount in words sa resibo magluwas kon wala sang internet.

Samtang, magapangayo ang City Legal Office sang kopya sang mga citation tickets nga na isyu sang BTAO kag ini ang usisaon kon bala naga match sa ginabayad sang violator sa City Treasurer’s Office.

Ginpahayag ni City Legal Officer Atty. Romeo Carlos Ting Jr., luyag nila mahibaluan kon bala isolated lamang ang reklamo ukon madamo na ini nga insidente.

Dugang pa ni Ting, ila man usisaon kon balay may iban pa nga imbolbado sa sini nga insidente.

Nagpanugyan si Ting sa mga traffic violators nga usisaon ang gina isyu nga resibo sang syudad.

TRICYCLE DRIVER, PATAY SANG GINTIRO SA BARANGAY CABUG

Dead on arrival sa Corazon Locsin Montelibano Memorial Regional Hospital ang isa ka tricycle driver matapos ginluthang sa sulod sang Deca Homes Subdivision, Barangay Cabug, syudad sang Bacolod, alas 4:11 sang hapon, Hwebes, Abril 25.

Ang biktima ginkilala kay Teresito Gepelga, 56 anyos residente sang Block 67, Deca Homes, Brgy. Cabug.

Sa inisyal nga pagpangusisa ni Police Captain Michael Tuburan, hepe sang police station 9, nagaparking si Gepelga sa kilid sang dalan sang ginpalapitan sang wala makilala nga suspek kag ginluthang gamit ang wala mahibaluan nga kalibre sang armas.

Dugang pa ni Tuburan, ginhingagaw pa kon tani dala ang biktima sa ospital ang gindeklarar nga dead on arrival matapos nakaangkon sang malubha nga pilas sa ulo.

Sa karon nagapangita pa ang kapulisan sang dugang nga CCTV samtang indi pa ma-establisar ang motibo sa pagpatay kag pagkilala sa suspek.