Nag umpisa na sa pag proseso sang special permit ang mga magabaligya sang firecrakers and pyrotechnics sa syudad sang Bacolod.
Suno kay Executive Assistant Ernesto Pineda, humalin sa 73 ka mga negosyante sang palupok, 61 lamang ang nagpabutyag nga maga proseso sang special permit.
1,500 ang pagkuha sang special permit sa syudad kag ang pagbaligya ang ginatugutan umpisa Disyembre 1 tubtob 31, 2021.
Dugang pa ni Pineda, ini nga mga negosyante ang sadto naka paidalum sa fire safety seminar kag wala sang bag-o nga mga negosyante.
Ginatugutan na ang mga negosyante nga magtukod sang ila kiosko sa likod sang Pope John Paul II Tower sa reclamation area nga maga serbe naga isahanon nga firecracker zone sa Bacolod.
Ang kiosko ang natalana pa nga inspeksyunon sang Bacolod City Police Office kag BFP Bacolod nga kabahin sang requirements para magkuha sang permit sa PNP Civil Security Unit VI.
