Target sang mga manugbaligya sang palupok sa syudad sang Bacolod nga makaumpisa baligya sa Disyembre 15, 2022 sa likod sang Pope John Paul II Tower.
Sa interview sang Aksyon Radyo Bacolod, ginpahayag ni Melchor Deriada, miembro sang Bacolod Firecracker and Pyrotechnics Vendors Association, padayon pa karon nga ginaproseso ang ila mga permit.
Suno kay Deriada, natukod na ang 62 tanan ka mga stall kag nagahulat nga ma inspection ang lugar sang Bureau of Fire Protection kag kapulisan.
Sa pagbanta ni Deriada, kapin 5,000 ang ila nagasto sa pagproseso sang permit, 7,000 pesos sa pagtukod sang kiosko kag gintunga sang 62 ka negosyante ang 50,000 nga bayad sa renta sa lugar.
What’s your Reaction?
+1
+1
+1
+1
+1
+1
+1
