FITNESS GYM OWNERS NAG APILAR NGA TUGUTAN SILA MAG BUKAS SA TION SANG GCQ

Share on facebook
Share on google
Share on pinterest
Share on twitter
Share on print

Nag apilar sa Bacolod IATF ang pila ka mga tag-iya sang fitness gym sa syudad sang Bacolod nga tugutan sila nga liwat nga mag bukas sa idalum sang General Community Quarantine (GCQ).

Sa idalum sang Executive Order 35 ni Mayor Evelio Leonardia, ang fitness gym ang nalakip sa Category 4 nga negosyo kag gina dilian nga mag operate sa tion sang GCQ.

Sa interview sang Aksyon Radyo, gin pahayag ni Vice Mayor El Cid Familiaran, chairman sang Bacolod IATF, ang apilar sang mga negosyante nga na apektuhan man sang Covid-19 ang ipadala sa National IATF para sa rekonsiderasyon.

Suno kay Familiaran, nag hatag sang assurance ang mga fitness gym owners nga ipatuman ang minimum health standard sa pasilidad kaangay sang pag suksok sang face mask, social distancing, pag usar sang alcohol kag iban pa.

Suno sa Bise-Alkalde, may isa ka konsehal ang maga author sang resolusyon nga maga pangabay sa gobyerno nasyunal nga ikonsiderar ang pag bukas sang fitness gym. | Aksyon Dale Salazar

KAPIN 2K KA BACOLODNON NAKA AVAIL SANG DOLE-TUPAD PROGRAM HUMALIN ENERO TUBTOB HUNYO 2021

Kapin 2,000 na ka mga Bacolodnon ang nangin benepisyaryo sang Emergency Employment Assistance Program/DOLE-TUPAD Program humalin Enero tubtob Hunyo 2021.

Suno kay Congressman Greg Gasataya, nagsumiter na sila sang suhestyon sa DOLE sa mga Barangay nga ipatuman ang ini nga programa para sa kapin 3,000 ka mga Bacolodnon para sa bulan sang Hulyo tubtob Septembre 2021.

Ini nga programa ang para sa mga disadvantaged ukon displaced workers nga magatrabaho sa Barangay sa sulod sang 10 ka adlaw kag magabaton sang 3,950.

Ginpaathag ni Gasataya nga ila trabaho nga masiguro nga may yara sang pondo para sa mga benipesyaryo samtang ang Barangay amo ang magapili bangud sila ang mas nakahibalo kon sin-o ang nagakinahanglan.

Subong nga adlaw, Hulyo 28, nagbaton sang tig-3,950 ang mga benepisyaryo sang DOLE Tupad Program sa Barangays 37, 21 kag 40.

MORE STORIES:

LIKE US ON FB

error: Ooops... You are not authorized to copy this content.