Ginbulgar ni Bacolod City Councilor Wilson Gamboa Jr. nga tatlo ka water deep well nga nahamtang sa Barangay Felisa, ang ginpasira bangod naapektuhan sang basura nga ginahaboy sa sanitary land fill sang syudad nga nahamtang sa nasambit nga Barangay.
Sa interview sa Aksyon Firing Line, dismayado si Gamboa bangod sa madamo nga nakit-an nga problema sa ginlaragway sini nga dumpsite bangod wala sang segregation nga natabo.
Suno pa kay Gamboa, naapektuhan man ang Cabura creek, nga nagakonekta naman sa suba’ sang Murcia kag Bago.
Palayag pa ni Gamboa, madugay na gin-athag nga indi ideal ang lugar agod himuon nga sanitary land fill bangod madamo ang maapektuhan apang wala ini ginsapak kag ginpadayon ang proyekto.
Isa pa sa ginkasubo ni Gamboa bangod ginpalayag sang Environment Management Bureau (EMB), nga nagkadto sa lugar nga magahimo lamang sang mitigation sa tuyo nga mapahagan hagan ang epekto sang basura sa lugar. | Aksyon Ann Defensor
