MENU

GASATAYA: PROPEDAD NGA PAGATUKURAN SANG BACOLOD CITY GENERAL HOSPITAL INDI MA APEKTUHAN BISAN MAGLAIN ANG ADMINISTRASYON

  • at 5:27 pm
Share on facebook
Share on pinterest
Share on twitter
Share on print

Ginpasiguro ni reelected Congressman Greg Gasataya nga indi ma apektuhan ang donasyon sang propedad nga pagatukuran sang Bacolod City General Hospital sa pag lain sang administasyon sa syudad sang Bacolod.

Suno kay Gasataya, iya na istorya ang Pamilya Gensoli kag ginpasiguro sa ila ang commitment ni Mayor-elect Albee Benitez nga indi ma apektuhan ang proyekto.

Ginpaathag ni Gasataya, wala ini sang may nakit-an nga problema ilabi na nga may deed of donation sa tunga sang lot donors kag LGU bisan maga lain ang liderato sang syudad.

Una nga nagdonar ang Pamilya Gensoli sang 3.5 hectares nga propedad sa Barangay Vista Alegre para sa Gensoli Teofilo Memorial Complex kag dire pagatukuron ang Bacolod General Hospital.

Dugang pa sang Kongresista, sa tion nga matapos na ang bidding kag may notice of award na halin sa DPWH/DOH, ginapaabot nga ma umpisahan ang proyekto.

Sa nahibaluan, ang BCGH ang nagabalor sang 450 million pesos, 250 million ang gikan sa pondo sang DOH samtang ang 200 million ang commitment ni Senador Juan Miguel Zubiri.

What’s your Reaction?
+1
0
+1
0
+1
0
+1
0
+1
0
+1
0
+1
0

6K KA BAG-O NGA PWD IDs NA ISYU NA SANG DSSD BACOLOD

April 25, 2024

Naglambot na sa 6 mil ka mga bag-o nga PWD IDs ang na release sang DSSD Bacolod pila ka adlaw ang nabilin antes ang deadline nga Abril 30, 2024.

Ginpahayag ni Alma Gustilo, officer-in-charge sang DSSD Bacolod, 8 mil ang populasyon sang mga PWDs sa Bacolod kag ginapangabay nga indi na paghulaton ang deadline sa pagkuha sang ID nga may QR Code para malikwan ang magdinaguso.

Suno kay Gustilo, ang PWD nga mabudlay ang sitwaston, ang pwede makigangut sa mga PWD association sa Barangay sa pag proseso sang ila nga ID.

Bukas ang Government Service Express sang LGU kag Bacolod Express Service Office sa Ayala Malls sa Sabado kag Dominggo nga adlaw.

Umpisa Mayo 1, 2024 indi na valid ang daan nga PWD ID sang Bacolodnon kon wala sang QR Code.

What’s your Reaction?
+1
0
+1
0
+1
0
+1
0
+1
0
+1
0
+1
0

SHOW CAUSE ORDER KAG PREVENTIVE SUSPENSION IGA ISYU SA GINALEGAR NAG RETOKE SANG RESIBO

April 25, 2024

Maga isyu ang Bacolod City Legal Office sang show cause order kag 60 dias nga preventive suspension batuk sa kahera sang City Treasurer’s Office nga assign sa Bacolod Traffic Authority Office (BTAO).

Nag ugat ang reklamo matapos 1,300 pesos ang ginbayad sang traffic violator pero 300 pesos lamang ang nag sulod sa syudad.

Ginpahayag ni City Legal Officer Atty. Romeo Carlos Ting Jr., sa tion nga ma kompleto ang mga dokumento, maga isyu ang ila opisina sang show cause kag preventive suspensyon posible sa masumod nga semana.

Ginpahayag ni Ting, mabug-at ang offense nga pag tamper sang opisyal na resibo kag termination sa trabaho ang penalidad.

Suno kay Ting, nag isyu man si City Treasurer Arlene Memoria sang notice to explain sa ginareklamo nga kahera sa sulod sang 72 oras kag ang iya sabat ang ipaidalum sa evaluation sa pag isyu sang show cause kag preventive suspension.

Ginklaro ni Ting nga isa lamang ang kahera nga gin assign sa BTAO. Paathag pa ni Ting, nga dapat computerized ang balayran kag amount in words sa resibo magluwas kon wala sang internet.

Samtang, magapangayo ang City Legal Office sang kopya sang mga citation tickets nga na isyu sang BTAO kag ini ang usisaon kon bala naga match sa ginabayad sang violator sa City Treasurer’s Office.

Ginpahayag ni City Legal Officer Atty. Romeo Carlos Ting Jr., luyag nila mahibaluan kon bala isolated lamang ang reklamo ukon madamo na ini nga insidente.

Dugang pa ni Ting, ila man usisaon kon balay may iban pa nga imbolbado sa sini nga insidente.

Nagpanugyan si Ting sa mga traffic violators nga usisaon ang gina isyu nga resibo sang syudad.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.