GIN ALEGAR ARMAS, GRANADA KAG MGA BALA NAKUHA SA LALAKI NGA GIN SERBEHAN SANG SEARCH WARRANT; SUSPEK, NANGINWALA NGA IYA ANG PILA KA RECOVERIES

Share on facebook
Share on pinterest
Share on twitter
Share on print

Arestado ang isa ka persona matapos ginserbehan sang search warrant sa Purok Marapa, Brgy Bata syudad sg Bacolod, gab-i sg Setyembre 28.

Ang gin-aresto amo si Ruel Amonin, 51 anyos ang edad kag residente sg nasambit nga lugar.

Suno kay LtCol Joeffer Cabural, Chief sg Intel Unit sg Bacolod City Police Office, madamo na sang nabaton nga impormasyon ang kapulisan angut sa pagpang ubra sang armas luthang ni Amonin rason nga nag apply sila sang search warrant nga gin aprubahan naman ni Judge Edgar Tupas sang RTC Branch 46.

Dugang pa, si Amonin ang gin alegar myembro sang na bungkag na nga Villarete robbery group.

Nakuha sa balay ni Amonin ang isa ka hand grenade, isa ka toolbox nga may unod nga nagkalain lain nga empty shell, isa ka toolbox nga may nagkalain laim nga .38 caliber frames, duha ka caliber 38 nga bala, tatlo ka bala sg 12 gauge shot gun, isa ka silencer kag isa ka KG9 nga armas luthang nga loaded sang 12 ka bala kag isa pa ka magazine nga may isa ka bala.

Si Amonin ang mangatubang sg kaso nga paglapas sa RA10591 kag priso karon sa custodial facility sg Police Station 3.

Gina-ako ni Amonin nga nagakay-o siya sang mga armas luthang apang ginpanginwala nga iya ang iban nga recoveries kaangay sg KG9 kag granada.

Sa exclusive interview ky Amonin, madugay na siya nga naga kay-o sang mga air soft guns kag live guns bangud wala man siya sang iban nga palangitan-an.

Dugang pa sini, kalabanan sa mga guba sang armas luthang amo ang mga spring kag handle kon diin nagasukot siya sg minimum nga 300 pesos kada repair.

Ginklaro man ni Amonin nga kilala sini ang mga nagapakay-o sg pusil kag sigurado mga wala sg nagapakay-o nga myembro sang mga robbery ukon drug group.

Gin ako man sini nga my pending warrant of arrest sa kaso nga RA 9165 sadtong 2019 apang ginpanginwala nga myembro man siya sg mga organized group dire sa syudad sg Bacolod.

What’s your Reaction?
+1
1
+1
0
+1
3
+1
1
+1
0
+1
0
+1
1

SOLTERO, PILASON MATAPOS GINBUNO SANG KAUPOD SA INOM SA PONTEVEDRA

Pilason ang isa ka soltero matapos ginbuno sang kaupod sini sa inom sa Purok 4, Barangay Cambarus banwa sang Pontevedra pasado las 9 kagab-e, Disyembre 5.

Ang biktima ginkilala kay Christopher Biñas, 23 anyos kag residente sang Sipalay City.

Suno kay Police Staff Sergeant Ali Mapa, imbestigador sang Pontevedra PNP, naga-inom sa balay ni Eva Lequigan ang biktima kag ang suspek nga ginkilala lamang kay alyas Gonggong.

Naglalisay ang biktima kag ang suspetsado bangud sang ila gin-ani nga humay.

Sang naggwa ang biktima sa balay kun sa diin sila naga-inom, ginsunod siya sang suspek kag ginbuno sa tiyan kag likod.

Si Biñas ang ginabulong sa karun sa Valladolid District Hospital samtang ang suspetsado ang nagpalagyo naman matapos ang krimen. | Aksyon John Diaz

What’s your Reaction?
+1
0
+1
0
+1
1
+1
0
+1
0
+1
0
+1
0

LALAKI, PILASON SANG GINBUNO KAG GINLAMPUSAN SANG BUKA NGA BOTILYA SA CAUAYAN

Ginbuno kag ginlampusan sang buka nga botilya ang isa ka lalaki sa Purok 5, Brgy. Poblacion, banwa sang Cauayan.

Ang biktima ginkilala kay Ronel Duller, 35 anyos samtang ang mga suspetsado naman ang ginkilala nga sanday Reneboy Quimpo sang Barangay Lumbian kag Roque Gabaran sang Barangay Poblacion tanan sa banwa sang Cauayan.

Suno kay Police Major Garry Allan Resuma, hepe sang Cauayan PNP, upod nga naga-inom sang makahulobog nga ilimnon ang biktima kag mga suspetsado.

Bangud sang kahulogbon, naglalisay kag nag-inaway ang biktima kag ang suspetsado tubtob nga ginbuka ni Quimpo ang botilya sang ila nga ilimnon.

Ang buka nga botilya ang gingamit ni Quimpo sa pagbuno kay Duller.

Samtang, si Gabaran naman ang gin-aligar naglampos sang botilya sa ulo sang biktima.

Pilason si Duller kag ginabulong sa karun sa Cauayan District Hospital samtang ang mga suspek ang nagpalagyo naman matapos ang krimen. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.