GIN ALEGAR PAG BUHIN SANG 4,000 SA SAP FUND SA 10 KA BENEPISYARYO SA BRGY. FELISA, GINA REKLAMO

Share on facebook
Share on google
Share on pinterest
Share on twitter
Share on print

Nag reklamo sa Aksyon Radyo Bacolod ang pila ka residente sang Purok Paho, Brgy. Felisa, syudad sang Bacolod matapos nga gin alegar gin bawi sang Barangay ang 4,000 pesos sa 6,000 nga ayuda nga ila nabaton sa Social Amelioration Program.

Suno kay Rosamae Robles, gin hatagan sila sang photocopy sang SAP form sang Brgy. kag gin pabalo sa masunod nga adlaw nga indi sila kwalipikado nga makabaton sang ayuda.

Suno kay Robles, gin patawag sila sa balay sang Brgy. Secretary, kag gin hatagan sang SAP form pero may kondisyon nga gin alegar buhinan sang 4,000 ang ila nga ayuda para ihatag sa iban nga naga kinahanglan.

Dugang pa ni Robles, ila nabaton ang 6,000 pesos pero pag abot sa ila nga balay gin bawi ang 4,000 pesos.

Gin alegar ni Robles nga 10 sila ang gin bawian sang 4,000 pesos ukon kabug-usan nga 40,000 pesos.

Aminado si Robles nga indi siya kwalipikado nga magbaton sang SAP fund bangud naga padayun ang pagtrabaho sang iya bana karon nga Covid-19 crisis samtang may mga gin bawian man sang kwarta nga kwalipikado kaangay sang taxi kag tricycle driver.

Suno kay Robles, ila na gin padangat sa DILG kag sa 8888 hotline ang ini nga reklamo para sa madasig nga imbestigasyon.

Gin pahayag ni Punong Barangay Ramon Jardin sang Brgy. Felisa nga wala na gin padayun sang ila Barangay Council ang pag buhin sang 6,000 nga SAP fund sa mga benepisyaryo.

Suno kay Jardin, wala siya sang may gin-authorize ukon may gin sugo nga persona nga mag buhin sang ayuda.

Dugang pa ni Jardin, nga kon may gina istoryahan ang mga tagreklamo sa isa ka ‘grupo’, wala na diri labot ang barangay.

Gin hangkat ni Jardin ang mga tagreklamo nga kon may ebidensya sila mag file sang pormal nga kaso.

Gina lantaw ni Jardin nga pamulitika ang sa likod sang tagreklamo.

Luyag ni Jardin nga ma istorya ang mga tagreklamo para ma istorya man ang mga persona nga gina reklamo kaangay na lamang kay Stephen Jalando-on ang Brgy. Secretary kag si Purok President Corazon Latoza.

Pero suno kay Robles, indi na nila luyag nga istoryahan ang isyu sa Barangay kundi ila na lamang ini gina tugyan sa DILG.

DUHA KA DRIVER NAG AREGLUHANAY MATAPOS ANG AKSIDENTE SA BARANGAY ALIJIS

Nag-areglohanay ang magtimbang nga driver sa natabo ang aksidente kaina sang aga sa Circumferential Road South, Barangay Alijis syudad, syudad sang Bacolod.

Ang driver sang Suzuki Aluminum Van ginamaniho ni Randy Alunan, 34 anyos pumuloyo sang Purok Paho Barangay Taculing syudad sang Bacolod.

Samtang ang Mitsubishi Mini Canter ginamaniho naman ni Michael Tim-tim, 43 anyos kag pumuloyo sang Phase 3 Barangay Handumanan syudad sang Bacolod.

Suno kay Police Senior Master Sgt. Clark Cañon, traffic investigator sang Police Station 7, nagaparking ang Suzuki Aluminum Van sang ginbunggoan ini sang Mitsubishi Mini Canter.

Bangod sang impact natumba ang van kag naglapta sa dalan ang mga goods nga igadeliver sa tyangge.

Suno kay Cañon, naka-angkon sang minor nga kapilasan si alunan kag tim-tim matapos sang aksidente. | Aksyon Eric Magbanua

DOH MAGAPATIGAYON SANG SITE INSPECTION SA POSIBLE PATUKURAN SANG BACOLOD GENERAL HOSPITAL

Magapadulong ang DOH sa syudad sang Bacolod para sa site inspection sa lugar nga posible pagatukuran sang Bacolod General Hospital.

Ini matapos nga damlag lang, ginpabalo sang DOH si Congressman Greg Gasataya nga ginlakip na sang Department of Budget and Management ukon DBM ang pondo para sa pag tukod sang hospital sa 2022 National Expenditure Program.

Suno kay Gasataya, tinalikdan nga semana sang ginpabalo siya sang DOH nga luyag nga magpadulong sa Bacolod para sa site inspection pero wala pa sang pat-od nga petsa.

Nagpangabay man si Gasataya sa DPWH kag DOH nga mag himo sang perspective sang hospital bilang preparasyon sa natalana nga budget deliberation sang kongreso.

Suno sa Kongresista, indi pa niya mapalayag ang mga lugar nga posible tukuran sang hospital pero nagapabilin pa nga bukas sa tion nga may luyag pa nga magtanyag sang propedad.

MORE STORIES:

LIKE US ON FB

error: Ooops... You are not authorized to copy this content.