MENU

GINADUSO NGA 4.9B BUDGET SANG PROBINSYA TARGET MAAPRUBAHAN SA DISYEMBRE 6

  • at 4:33 pm
Share on facebook
Share on pinterest
Share on twitter
Share on print

Target sang Sanguniang Panlalawigan (SP) sang Negros Occidental nga maaprobahan ang 2023 proposed P4.9 billion budget sang gobyerno probinsiyal sa Desyembre 6, 2022.

Ini ang ginpahayag ni SP Committee on Finance and Appropriations Chairman Romel Debulgado matapos maaprobahan sa first reading ang budget sa regular nga sesyon nagligad nga Martes.

Suno kay Debulgado, iya liwat nga ipresentar ang budget kag iduso agud maaprobahan sa second reading kag e-elevate sa third kag final reading.

Ang proposed 2023 budget ang manubo sang P766,355,918 ikomparar sa 2022 budget bangud sa 12.7 percent reduction sa National Tax Allotment (NTA) halin sa gobyerno nasyonal.

Ang NTA reduction ang ginabasol sang Department of Budget and Management (DBM) sa pagnubo sang tax collections nagligad nga 2020 bangud sa COVID-19 pandemic. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

CELL NO. 4 PAGATUKURON SA LANDFILL SANG BACOLOD

April 18, 2024

Magatukod ang syudad sang Bacolod sang sanitary landfill cell no. 4 sa Barangay Felisa, syudad sang Bacolod.

Ginkumpirmar ni Councilor Jude Thaddeus Sayson, chair sang committee on finance and appropriation, 59.2 milyones pesos ang pondo sa konstruksyon sang cell no. 4 sa propedad nga bag-o nga ginbakal sang LGU.

Ang IPM-Construction and Development Corporation amo ang magatukod sang cell no. 4.

Ginpahayag sang Konsehal, ginapaabot sini nga maglawig ang pag usar sang syudad sang cell no. 4 bangud may mga recycling facility nga pagatukuron sa amo man nga lugar.

Ginalantaw ni Sayson nga mapangitaan sang paagi sang syudad ang cell no. 1, 2, 3 nga posible pwede ma convert bilang isa ka park.

Samtang, magapabilin nga ang IPM-CDC ang maga dumala kag operate sang sanitary landfill sa syudad balor 63.9 milyones pesos halin Mayo 1, 2024 tubtob Disyembre 2024.

Nagdangat sa kabug-usan nga 123.2 milyones pesos ang pondo para sa cell no. 4 kag maintenance snag landfill.

Myerkules sang hapon, Abril 17, sang na ratify sang konseho ang mga kontrata.

What’s your Reaction?
+1
0
+1
0
+1
0
+1
0
+1
0
+1
0
+1
0

CLO NAGPAANDAM NGA PWERSA NGA PAHALINON ANG MGA NAGABALIGYA SA GINKUDALAN NGA PROPEDAD SA BARANGAY 12

April 18, 2024

Pwersa nga pahalinon sang City Legal Office Enforcement Team ang mga nabilin pa nga nagabaligya sa vendors’ plaza kag mga katupad nga lugar nga sakop sa ginkudalan sang SM Prime para sa redevelopment project sang Manokan Country.

Ini matapos nga may pila pa ka mga nagabaligya sa lugar kaangay sang karenderya kag computer shop sa lugar.

Ginpahayag ni City Legal Officer Atty. Romeo Carlos Ting Jr., may demand letter na sadto nga ginpapanaug batuk sa mga nagapanag iya sang negosyo sa lugar pero wala sa gihapon naghalin tubtob karon.

Nagpaandam si Ting nga sirad-an ang lugar kag indi na pagbutangan sang alagyan ang ila customer sa maabot nga Lunes.

Ginatugyan ni Ting kay Mayor Albee Benitez ang pag desisyon kon maghatag sang ayuda sa mga ma apektuhan nga mga negosyo.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.