GINALEGAR ASSET SANG CAFGU, PATAY SA PAGPANIRO SA LA CASTELLANA

Share on facebook
Share on pinterest
Share on twitter
Share on print

Patay ang gin-aligar informant ukon asset sang Citizen Armed Force Geographical Unit (CAFGU) sang Philippine Army matapos nga ginluthang sang mga armado sa Sitio Kabanbanan, Brgy Puso, banwa sang La Castellana pasado las 5 sang hapon kahapon, Nobyembre 20.

Ang biktima ginkilala kay Jovanie Omboy, 43 anyos kag residente sang Sitio Tiguisa Haroy, Brgy Montilla, banwa sang Moises Padilla.

Suno kay Police Captain Rhojn Darrel Nigos, hepe sang La Castellana PNP, nagapanglakaton si Omboy upod ang iya nga live-in partner sang gintambangan sang napulo ka mga armado.

(La Castellana PNP Photo)

Si Omboy ang ginkuha sang duha ka mga suspetsado kag ginpaarakan sang luthang kag siya ang nakaangkon sang madamo nga pilas sa lawas.

Suno pa kay Nigos, si Omboy isa ka anay tanod sa barangay, negosyante sang kasapatan, may madamo nga abyan nga CAFGU kag gin-aligar informant sang militar.

Luwas naman sa katalagman ang live-in partner ni Omboy nga hungod naman nga wala ginhingadlan samtang nagapadayon pa ang imbestigasyon sang kapulisan.

Gina-usisa pa sang kapulisan kun mga rebelde ang sa likod sang krimen. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

BENITEZ NAGPANUMPA BILANG RDC CHAIR

Nagpanumpa si Mayor Albee Benitez bilang chairperson sang Regional Development Council VI sa L’Fisher Hotel kaina sang aga, Martes.

Ini kadungan sang orientation angut sa mandato kag trabaho sang National Economic and Development Authority kag RDC.

(BCD PIO Photo)

Ang alkalde ang nagpanumpa ka Hon. Juvy Dioso, Presiding Judge of the Regional Trial Court, Branch 49. Kaupod sang Alkalde si First Lady Nikki Benitez.

Ang RDC Ang highest planning and policy-making body sa rehiyon.

Ini ang nagaserbe nga counterpart sang National Economic and Development Authority (NEDA) Board sa sub-national level.

What’s your Reaction?
+1
0
+1
0
+1
0
+1
0
+1
0
+1
0
+1
0

LALAKI, PILASON SANG GINBUNO KAG GINLAMPUSAN SANG BUKA NGA BOTILYA SA CAUAYAN

Ginbuno kag ginlampusan sang buka nga botilya ang isa ka lalaki sa Purok 5, Brgy. Poblacion, banwa sang Cauayan.

Ang biktima ginkilala kay Ronel Duller, 35 anyos samtang ang mga suspetsado naman ang ginkilala nga sanday Reneboy Quimpo sang Barangay Lumbian kag Roque Gabaran sang Barangay Poblacion tanan sa banwa sang Cauayan.

Suno kay Police Major Garry Allan Resuma, hepe sang Cauayan PNP, upod nga naga-inom sang makahulobog nga ilimnon ang biktima kag mga suspetsado.

Bangud sang kahulogbon, naglalisay kag nag-inaway ang biktima kag ang suspetsado tubtob nga ginbuka ni Quimpo ang botilya sang ila nga ilimnon.

Ang buka nga botilya ang gingamit ni Quimpo sa pagbuno kay Duller.

Samtang, si Gabaran naman ang gin-aligar naglampos sang botilya sa ulo sang biktima.

Pilason si Duller kag ginabulong sa karun sa Cauayan District Hospital samtang ang mga suspek ang nagpalagyo naman matapos ang krimen. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.