GINALEGAR DRUG PERSONALITY GINTIRO, PILASON

Share on facebook
Share on pinterest
Share on twitter
Share on print

Ginabulong sa San Carlos City Hospital ang isa drug personality matapos ginluthang sa Zone 5, Brgy. 5, syudad sang San Carlos, alas 3:20 sang hapon Sabado, (Feb. 24).

Ang biktima ginkilala kay Regie Villana kag residente sang sang amo nga lugar samtang ang suspek ginkilala naman kay Lionio Pastrana 25 anyos kag residente sang Sitio Agtotonoy, Brgy. Prosperidad.

Sa inisyal nga pagpangusisa ni PMaj. Ryan Villasario, deputy chief of police sang San Carlos City PNP, samtang nagapauli l si Villana sa iya puloy-an, sa ginbantayan kag hungod nga ginluthang ni Pastrana gamit ang cal. 45 pistol.

Gilayon nga gindala sa ospital si Villana matapos nakaangkon samg pilas sa tiyan kag kamot.

Sa sa bulig sang CCTV, nakilala kag nadakpan ang suspek nga karon nahunong na sa custodial facility sang San Carlos City PNP.

Narekober sang mga otoridad ang isa ka unit sang .45 cal pistol nga may (7) pito ka mga bala.
Away sa ilegal nga druga ang ginalantaw nga motibo sa pagluthang.

What’s your Reaction?
+1
0
+1
0
+1
0
+1
0
+1
0
+1
0
+1
0

TERMINATION SANG JVA CONTRACT SANG BACIWA-PRIMEWATER, GINAKONSIDERAR NI MAYOR ALBEE

Ginakonsiderar ni Mayor Albee Benitez nga i-terminate ang kontrata sang joint venture agreement sa tunga sang Primewater kag BACIWA ukon re-negotiation.

Sa press conference, Lunes, ginpahayag ni Benitez nga nagpangayo ini sa BACIWA sang listahan sang mga bayolasyon sang Primewater sa ginsudlan nga kontrata.

Isa sa ginbasehan ni Benitez nga bayolasyon amo ang section 5.1.2 sang kontrata, nga sa sulod sang lima ka tuig halin 2020, dapat masiguro ang 24 oras nga tubod sang tubig sa katapusan sang ikaduha nga tuig, nga tubtob karon wala na comply.

Ginapasabat ni Benitez ang BACIWA kon ano ang ila nga nahimo sa mga bayolasyon sa kontrata kag kon may penalidad nga ginpapanaug batuk sa Primewater.

Nagapangayo man si Benitez sa BACIWA sang water security plan nga indi lamang sabat sa epekto sang El Niño kundi diin tubtob ang water supply sang syudad.

Suno sa Alkalde, naga claim ang BACIWA nga 90 million liters a day (MLD) lamang ang kinahanglan sang Bacolod pero 125 MLD ang ginarekomendar sang mga eksperto para sa syudad matapos ang ginpatigayon nga verification.

Ginaduso ni Benitez nga may yara sang buffer plan sang tubig ang syudad kag nagsuhestyon nga ang mga deep wells sang Primewater ang dapat reserba sa tion sang emerhensya kag indi ini pag himuon nga primary source of water.

Liwat nga ginpakamalaot ni Benitez ang mga bag-o nga post sa social media nga nagapakita sa malubog nga tubig kag ang suhestyon nga ilisan na ang madaan nga mga tubo.

Bangud sini, nagapahayag si Benitez nga wala sang concrete investment ang Primewater para mapaayo ang ila serbisyo matapos ang apat ka tuig.


Ginklaro ni Benitez nga ‘done deal’ na ang JVA sang Primewater-Baciwa antes ini nagpungko bilang alkalde sang Bacolod.

ALBEE: WALA PA SANG MAY NAPIRMAHAN NGA KONTRATA MATAPOS ANG WATER SUMMIT

Tubtob karon wala sang kontrata nga nakita si Mayor Albee nga ginsudlan ang Baciwa-Primewater kaupod ang water supplier matapos ang water summit nagligad nga Enero 2024.

Ginpahayag ni Benitez, may mga water supplier nga nagahimo karon sang inisyatibo nga mag install sang mga water pipes bisan wala pa sang ginkasugtan nga kontrata.

Suno kay Benitez, may mga verbal agreement pero wala sang may nakita nga signed contract nga gin promisa sa iya nagligad nga water summit.

Una na nga ginkasugtan sa water summit nga ma deliver sang Baciwa-Primewater ang 20MLD nga shortage sang tubig sa sulod sang anum ka bulan.

Ang injection point 2 sang Bacolod Bulk Water Incorporated sa Murcia ang target makadeliver sang 15 million liters a day samtang magahalin naman sa spring water sa Barangay Alangilan ang dugang nga 5 million liters per day.

May proposal man nga magtukod sang water supply kag filtration facility kag maka deliver sang dugang nga 20MLD halin sa Matab-ang river.

What’s your Reaction?
+1
0
+1
0
+1
0
+1
0
+1
0
+1
0
+1
0

PERTUSSIS CASES SA BACOLOD NAGSAKA SA ANUM

Nadugangan pa sang tatlo ka kumpirmado nga kaso sang pertussis ang syudad sang Bacolod.

Bangud sini nagsaka sa anum ang kabug-usan nga kaso sang pertussis sa syudad halin Enero 1 tubtob Abril 6, 2024 nga datus sang Bacolod City Health Office.

Sa report sang Bacolod CHO, nakagwa na sa hospital ang anum ka mga pasyente nga naga edad isa ka tuig panubo.

Duha ka kaso ang na record sa Barangay Tangub samtang tig isa naman sa Barangay Granada, Handumanan, Taculing, kag Villamonte.

May lima naman ka samples ang nag negatibo sa masakit samtang may duha pa ka samples nga pending pa ang resulta sa RITM.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.