GINALEGAR MAY DIPERENSYA SA PAMINSARON NABUNGGUAN, PATAY

Share on facebook
Share on pinterest
Share on twitter
Share on print

Patay ang isa ka gin-alegar may deperensya sa paminsaron nga babayi matapos na hit and run sang isa kaa mini dump truck malapit sa flyover sa Barangay Bata, Bacolod City pasado las-3 sang kaagahon, Sabado, Pebrero 24.

Ang biktima ang ginabulubanta naga-edad 55 tubtob 60, anyos, 5’1 tubtob 5’3 ang kataason,dako ang panglawason kag nagadua-ag sang green ang ibabaw nga panapton kag short naman ang ginasuksok sa idalom.

Suno kay PCapt Rondyl Tapang, hepe sang Bacolod City Police Station 3, yara na sa tunga sang pedestrian lane ang biktima agud magtabok sang hinali nalang nga nabunggo-an sang puti nga mini dump truck nga gikan Sur kag padulong Nnorte nga direksyon.

Gilayon man nga nagresponde ang isa ka medical team sa insidente apang gindeklarar nga wala na sang kabuhi ang biktima.

Nagapanawagan sa karon ang kapulisan sa publiko nga nadulaan sang himata, magbisita lamang sa ABE funeral homes agud makumpirmar ang identity sang biktima.

Subong man, ginapanawagan ang drayber sang salakyan nga magsungka na sa kapulisan.

What’s your Reaction?
+1
0
+1
0
+1
0
+1
0
+1
0
+1
0
+1
0

TERMINATION SANG JVA CONTRACT SANG BACIWA-PRIMEWATER, GINAKONSIDERAR NI MAYOR ALBEE

Ginakonsiderar ni Mayor Albee Benitez nga i-terminate ang kontrata sang joint venture agreement sa tunga sang Primewater kag BACIWA ukon re-negotiation.

Sa press conference, Lunes, ginpahayag ni Benitez nga nagpangayo ini sa BACIWA sang listahan sang mga bayolasyon sang Primewater sa ginsudlan nga kontrata.

Isa sa ginbasehan ni Benitez nga bayolasyon amo ang section 5.1.2 sang kontrata, nga sa sulod sang lima ka tuig halin 2020, dapat masiguro ang 24 oras nga tubod sang tubig sa katapusan sang ikaduha nga tuig, nga tubtob karon wala na comply.

Ginapasabat ni Benitez ang BACIWA kon ano ang ila nga nahimo sa mga bayolasyon sa kontrata kag kon may penalidad nga ginpapanaug batuk sa Primewater.

Nagapangayo man si Benitez sa BACIWA sang water security plan nga indi lamang sabat sa epekto sang El Niño kundi diin tubtob ang water supply sang syudad.

Suno sa Alkalde, naga claim ang BACIWA nga 90 million liters a day (MLD) lamang ang kinahanglan sang Bacolod pero 125 MLD ang ginarekomendar sang mga eksperto para sa syudad matapos ang ginpatigayon nga verification.

Ginaduso ni Benitez nga may yara sang buffer plan sang tubig ang syudad kag nagsuhestyon nga ang mga deep wells sang Primewater ang dapat reserba sa tion sang emerhensya kag indi ini pag himuon nga primary source of water.

Liwat nga ginpakamalaot ni Benitez ang mga bag-o nga post sa social media nga nagapakita sa malubog nga tubig kag ang suhestyon nga ilisan na ang madaan nga mga tubo.

Bangud sini, nagapahayag si Benitez nga wala sang concrete investment ang Primewater para mapaayo ang ila serbisyo matapos ang apat ka tuig.


Ginklaro ni Benitez nga ‘done deal’ na ang JVA sang Primewater-Baciwa antes ini nagpungko bilang alkalde sang Bacolod.

ALBEE: WALA PA SANG MAY NAPIRMAHAN NGA KONTRATA MATAPOS ANG WATER SUMMIT

Tubtob karon wala sang kontrata nga nakita si Mayor Albee nga ginsudlan ang Baciwa-Primewater kaupod ang water supplier matapos ang water summit nagligad nga Enero 2024.

Ginpahayag ni Benitez, may mga water supplier nga nagahimo karon sang inisyatibo nga mag install sang mga water pipes bisan wala pa sang ginkasugtan nga kontrata.

Suno kay Benitez, may mga verbal agreement pero wala sang may nakita nga signed contract nga gin promisa sa iya nagligad nga water summit.

Una na nga ginkasugtan sa water summit nga ma deliver sang Baciwa-Primewater ang 20MLD nga shortage sang tubig sa sulod sang anum ka bulan.

Ang injection point 2 sang Bacolod Bulk Water Incorporated sa Murcia ang target makadeliver sang 15 million liters a day samtang magahalin naman sa spring water sa Barangay Alangilan ang dugang nga 5 million liters per day.

May proposal man nga magtukod sang water supply kag filtration facility kag maka deliver sang dugang nga 20MLD halin sa Matab-ang river.

What’s your Reaction?
+1
0
+1
0
+1
0
+1
0
+1
0
+1
0
+1
0

15M GINPAIN PARA SA PAGBAKAL SANG 10K DOSES SANG PENTAVALENT VACCINES

Magabakal ang syudad sang Bacolod sang 10,000 doses sang pentavalent vaccine para sa masobra 3 mil ka mga bata.

Ginpahayag ni City Health Officer Dr. Ma. Carmela Gensoli, may yara karon sang existing pa nga bakuna ang CHO pero posible maubos sa masunod nga binulan bangud sa ginapatigayon nga mapping sang vaccination.

Suno kay Gensoli, nagpangabay ini sa alkalde sang 9,000 doses sang vaccine pero ginpasakaan sang alkalde sa 10,000 doses.

Ang ini nga bakuna ang proteksyon batuk sa diphtheria, tetanus, pertussis, haemophilus influenza B, kag hepatitis.

Suno kay Gensoli, magahalin sa Bacolod CDRRMO ang pondo sa pagbakal sang bakuna balor 15 milyones pesos.

May ginapaabot man ang Bacolod CHO sang sini nga bakuna halin sa Department of Health.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.