Pilason ang gina alegar rugby boy nga menor de edad matapos ginluthang sa Gaisano City, Brgy. Singcang-Airport , Bacolod City, subong nga gab-i, Hunyo 22.
Ginkilala ang biktima kay alyas Tonton residente sang Purok Neptune, Brgy. Singcang-Airport syudad sang Bacolod samtang ang suspek naman ang isa ka menor de edad nga lalaki, residente sang Purok Saturn, Brgy. Singcang-Airport, Bacolod City nga nakapalagyo sa karon.
Suno sa imbestihasyon sang Police station 8, BCPO nga may yara pag nilalisay sa tunga sang suspek kag biktima sang hinali nalang nga gin luthang sang suspek ang biktima gamit ang gina alegar improvised pin gun.
Gindala ang biktima sa Corazon Locsin Montelibano Memorial Regional Hospital kag nagapatigayon naman ang kapulisan sang hot pursuit operation sa suspetsado. | Aksyon Zil Menardo