GINATOS KA TAWO NAG EVACUATE SA TOBOSO BANGUD SA SUNOD-SUNOD NGA ENKWENTRO

Share on facebook
Share on pinterest
Share on twitter
Share on print

Kapin 400 ka mga indibidwal ang ginbakwit sa banwa sang Toboso, Negros Occidental bangud sa sunod sunod nga engkwentro sang militar kag New People’s Army (NPA) sa Sitio Mansulao Barangay Pinapugasan syudad sang Escalante.

Suno kay Toboso Municipal Councilor Richard Jaojoco, ini nga mga indibidwal ang halin sa Brgy. San Isidro kag Magticol.
Dugang pa ni Jaojoco, may mga residente man sang banwa ang nakakuha sang recorded video sa gina-alegar ‘air assault’ sa Escalante.

Iya man pagahulaton ang palayag sang militar kun pwede na nga ibalik ang klase sa maabot nga Lunes.

Nagligad nga Hwebes, nag-isyu sang Executive Order si Mayor Madonnah Jaojoco nga nagasuspender sa klase sa tanan nga lebel sa Toboso agud masiguro ang kaluwasan sang mga estudyante kag manunudlo.

What’s your Reaction?
+1
0
+1
0
+1
0
+1
0
+1
0
+1
0
+1
0

ALBEE: BACIWA-PRIMEWATER INDI MABATYAGAN ANG BULIG SA WATER RATIONING SA MGA BARANGAY

Ginpakamalaot ni Bacolod Mayor Albee Benitez ang Baciwa-Primewater nga wala nagabulig sa water rationing nga ginahimo sang syudad sa mga Barangay.

Sa press conference, Lunes, ginpahayag ni Benitez, ang paghatag sang tubig karon sa mga Barangay nga wala sang suplay ang ginahimo pa sang pribado nga sektor kaangay sang Chamber kag Amity, nga indi man nila trabaho.

Suno sa Alkalde, indi karon makit-an ang bulig kag suporta sang Baciwa Primewater karon nga may yara sang krisis sa tubig sa syudad.

Sa sini nga water rationing, nagabulig man ang Manila Water, Red Cross kag opisina ni Councilor Cindy Rojas. | Albee Benitez Photo/FB

What’s your Reaction?
+1
0
+1
0
+1
0
+1
0
+1
0
+1
0
+1
0

PILA KA LGUs SA PROBINSYA GINATAN-AW MAY ENKWENTRO SA PAGKA ALKALDE KAG KONGRESISTA SA 2025

Pila ka mga lugar sa Negros Occidental ang ginalantaw ni Governor Bong Lacson nga may engkwentruhanay sang mga kandidato sa pagka-kongresista kag alkalde sa Mayo 2025 nga eleksyon.

Suno kay Lacson, posible nga may engkwentruhanay sa pagka-alkalde sa syudad sang Talisay, Silay, Kabankalan , banwa sang Isabela, San Enrique, kag Valladolid.

Sa ika-anom nga distrito, ginsiling sang gobernador nga indi pa klaro kun madayon ang ginakuno-kuno nga engkwentruhanay sa pagka-kongresista.

Dugang pa ni Lacson, daku man ang posibilidad nga may kasumpong si incumbent Cong. Dino Yulo.

Liwat nga ginkompirmar ni Lacson ang iya nga pagpapili bilang gobernador sa 2025 nga eleksyon.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.