MENU

GOV LACSON BUKAS NGA TALAKAYON ANG SEGURIDAD SANG MGA OPISYAL SA RPOC MEETING SA MARSO 21

  • at 6:37 pm
Share on facebook
Share on pinterest
Share on twitter
Share on print

Bukas si Negros Occidental Governor Bong Lacson nga talakayon ang seguridad kag pamahug sa kabuhi sa mga government public officials, sa una nga Regional Peace and Order Council (RPOC) meeting nga iya pamunuan sa maabot nga Marso 21.

Suno kay Lacson, masami nga naka agenda ang report sang Philippine National Police (PNP), Philippine Army (PA), kag Philippine Drug Enforcement Agency (PDEA), pareho man sa ginapatigayon nga Provincial Peace and Order Council (PPOC) meeting.

Dugang ni Lacson nga kun may RPOC members nga gusto talakayon ang seguridad kag pamahug sa mga public officials, ila ini pagahambalan.

Nagligad nga semana ginmando ni Western Visayas police chief Brigadier General Leo Francisco, sa mga chiefs of police, provincial kag city directors nga makigsugilanon sa mga alkalde, kongresista kag gobernador agud hibaluon ang seguridad kag mga pamahug sa kabuhi, kasunod sa pagpatay kay Negros Oriental Governor Roel Degamo.

Ini ang kabahin sa ‘threat assessments’ sa mga elected local government officials sa rehiyon para madeterminar kun kinahanglan nga hatagan ang mga ini sang detailed police security. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

LIBRE NGA PAGKAPON KAG NEUTER PROGRAM SA MGA SAPAT GINPATIGAYON SA CADIZ

April 2, 2023

Madinalag-on nga ginpatigayon sang City Veterinary Office (CVO) sa syudad sang Cadiz, Negros Occidental ang libre nga pagkapun kag neuter program para sa mga ido kag kuring, bilang kabahin sa  Rabies Awareness Month.

(Cadiz LGU Photo)

Toyu sini agud mapahagan-hagan ang pagdamo sang  mga layaw nga kasapatan sa syudad kag mapromote  ang responsible pet ownership  sa mga  Cadiznons.

Ini nga  programa ang gintambungan sang mga pet owners sang  Cadiz City, nga nagdala sang ila hinuptanan nga ido  sa  CVO para sa  procedure. 

Ang rabies ginakonsiderar nga  ‘neglected disease’ nga may 100% fatal apang  100%  man nga preventable.  

Ang Department of Health ang may Rabies Prevention and Control Program  nga may tinutoyu agud mapunggan kag makontrol ang rabies infection paagi sa paghatag kag pagpromote sang accessible vaccines, rabies education kag awareness sa publiko.

 Basi sa Executive Order No. 84, series of 1999, ang bulan sang Marso kada tuig ang ginadeklarar   nga Rabies Awareness Month. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.