GOV LACSON DAKO ANG PAGLAUM NGA MAHATAGAN PAGTAMOD SANG MASUNOD NGA ADMINISTRASYON ANG PAGBALIK SANG NIR

Share on facebook
Share on google
Share on pinterest
Share on twitter
Share on print

Daku ang paglaom ni Negros Occidental Governor Bong Lacson nga mahatagan pagtamod sang masunod nga administrasyon, ang ginaduso nga pagpabalik sa Negros Island Region (NIR).

Ini ang reaksyon sang gobernador sa gin-file nga House Bill No. 10534 sang 9 ka mga kongresista sa Negros, agud ibalik ang Negros Occidental kag Negros Oriental bilang isa ka rehiyon.

Si Rep. Jose Francisco Benitez amo ang nagpanguna sa pagfile sang hagna, kaupod ang walo ka mga Negros lawmakers.

Sa karon ang Negros Occidental ang kalakip sa rehiyon 6 samtang rehiyon 7 naman ang Negros Oriental .

Nagligad nga semana si Senate Majority Floor Leader Juan Miguel Zubiri ang nag file man sang Senate Bill No. 2453 ukon Negros Island Region Act, agud ibalik ang Negros Island Administrative Region.

Gintukod ang NIR, paagi sa executive order nga gin-isyu ni ‘the late’ President Benigno ”NoyNoy” Aquino III sang 2015, apang gin-abolish ni Presidente Rodrigo Duterte sang 2017. | Aksyon Marlon Genovea

What’s your Reaction?
+1
0
+1
0
+1
0
+1
1
+1
0
+1
0
+1
0

ISA PATAY, LIMA PILASON SANG NAGLUPOK ANG GOMA SANG CANTER KAG NAGBUNGO SA TRICYCLE

Isa ang patay kag lima ang pilason sa aksidente nga nagluntad sa National Highway nga sakop sang Brgy. San Juan, banwa sang Pontevedra.

Suno kay Police Staff Sergeant Genesis Beñas, traffic investigator sang Pontevedra PNP, imbolbado sa aksidente ang isa ka Mitsubishi Canter kag traysikol nga gikan sa magkatuhay nga direksyon.

Ang Mitsubishi Canter nga ginamaneho ni Nolito Montebon, 42 anyos, sang Purok Boulevard, Brgy. 14 syudad sang Bacolod samtang ang traysikol ginamaneho naman ni Rogin delos Pobres, 34 ang edad.

Duha ang pasahero sang traysikol kag duha man ang pahinante sang canter.

Suno kay Beñas, naglupok ang goma sa wala nga bahin sang canter kag nag-agaw sa linya sang traysikol.

Bangud sang impact, nagderetso sa sementado nga pader ang traysikol samtang nagderetso naman sa steel gate sang isa ka balay ang canter kag nawasak ang uluhan sang salakyan.

Dead on arrival sa ospital ang isa sa mga sakay sang traysikol nga ginkilala kay Joselyn Madalag, legal ang edad.

Ang mga pilason ang padayon naman nga ginabulong sa ospital sa syudad sang La Carlota.

Sa imbestigasyon sang kapulisan, nahibaloan nga madasig ang pagpadalagan sang drayber sang canter antis pa man nagluntad ang aksidente.

What’s your Reaction?
+1
0
+1
0
+1
0
+1
0
+1
0
+1
1
+1
0

BACOLODNON OFWs NGA NAGAPULI SA SYUDAD NAGA AVERAGE 35-40 SA KADA ADLAW

Nagtaas pa ang average ukon kadamuon sang mga OFW nga naga pauli sa syudad sang Bacolod umpisa sini nga semana.

Suno kay ATRO Chairman Councilor Israel Salanga, base sa datus sang iya talatapan naglab-ot na sa 35 tubtob 40 ka mga OFW ang naga abot sa Bacolod kada adlaw.

Dugang pa ni Salanga, mahimo nga ma dugangan pa ini nga numero sa palaabuton ilabi na sa naga hilapit nga pagsaulog sang paskwa kag bag-ong tuig.

Dako man ang pagpasalamat sang konsehal sa padayon nga kooperasyon sang amo nga sektor, paagi sa pagsunod sang mandatory home quarantine nga padayon gina patuman sang gobiyerno. | Aksyon Art Tayhopon

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.