GOV LACSON DISMAYADO SA KADAMUON SANG GINBAKAL NGA BAKUNA NGA NAG ABOT SA PROBINSYA

Share on facebook
Share on google
Share on pinterest
Share on twitter
Share on print

Dismayado si Governor Bong Lacson sa kadamuon sang una nga batch sang AstraZeneca vaccines nga nag-abot sa Negros Occidental, kabahin sa 100,000 doses nga ginbakal sang probinsiya.

Suno kay Lacson, tuman ka diutay ang nag-abot sang Hulyo 19 bangud ini ang naglab-ot lamang sa 2,900 doses.

Apang nagapati ang gobernador nga posible nakaexperiensiya sang kakulang sang suplay ang pungsod nga nagaprodukto sini, bangud sa ginaatubang man nga problema sa COVID-19.

Ang 2,900 doses sang AstraZeneca ang ibakuna sa 1,450 ka mga vaccinees nga nalakip sa A4 priority group. Enero 2021 nagpirmahanay sang kasugtanan ang AstraZeneca Pharmaceuticals Philippines Inc., gobyerno probinsiyal kag Department of Health angot sa pagbakal sang 100,000 doses sang coronavirus disease 2019 (Covid-19) vaccines.

Apang una nakabaton ang Negros Occidental sang 1,600 doses sang Sinovac vaccines bilang donasyon sang gobyerno sang China sang Marso 10, 2021. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.