GOV LACSON, LUYAG NGA MAPAPULI ANG TANAN NGA OFWs KAG LSIs ANTES PA MAGBALIK ANG REGULAR NGA BYAHE SG EROPLANO KAG BARKO

Share on facebook
Share on google
Share on pinterest
Share on twitter
Share on print

Luyag ni Negros Occidental Governor Bong Lacson nga mapapauli ang tanan nga mga stranded Negrense OFWs kag locally stranded individuals antis tugutan nga makabalik ang commercial operations sa airport kag seaports. 

Suno kay Lacson,  mabudlay na nga makontrol ang pag sulod sang mga pangayaw kun magbalik ang International kag domestic flights sang eroplano pati na ang biyahe sang mga barko. 

Dugang pa ni Lacson, naka experiensiya na sang  kabudlayan ang Provincial IATF sa pag akomodar sang mga nag abot nga returning residents bangud sa kakulang sang kooperasyon.

Nabalaka ang gobernador nga posible maglala pa ang problema, kun indi na makontrol ang pagsulod sang linibo ka mga tawo sa probinsiya.

Ulihi nga nag abot sa Negros Occidental ang 24 ka mga repatriated Negrense OFWs sadtong Sabado halin sa Manila kag 11 pa ka Iban halin sa Tabuelan Cebu sang Domingo.  

DUHA KA DRIVER NAG AREGLUHANAY MATAPOS ANG AKSIDENTE SA BARANGAY ALIJIS

Nag-areglohanay ang magtimbang nga driver sa natabo ang aksidente kaina sang aga sa Circumferential Road South, Barangay Alijis syudad, syudad sang Bacolod.

Ang driver sang Suzuki Aluminum Van ginamaniho ni Randy Alunan, 34 anyos pumuloyo sang Purok Paho Barangay Taculing syudad sang Bacolod.

Samtang ang Mitsubishi Mini Canter ginamaniho naman ni Michael Tim-tim, 43 anyos kag pumuloyo sang Phase 3 Barangay Handumanan syudad sang Bacolod.

Suno kay Police Senior Master Sgt. Clark Cañon, traffic investigator sang Police Station 7, nagaparking ang Suzuki Aluminum Van sang ginbunggoan ini sang Mitsubishi Mini Canter.

Bangod sang impact natumba ang van kag naglapta sa dalan ang mga goods nga igadeliver sa tyangge.

Suno kay Cañon, naka-angkon sang minor nga kapilasan si alunan kag tim-tim matapos sang aksidente. | Aksyon Eric Magbanua

TOP 4 DRUG PERSONALITY SANG KABANKALAN PNP, NADAKPAN

Liwat magapangatubang sa dugang nga kaso ang Top 4 drug priority target list sang Kabankalan City Police Station matapos nakuhaan sang ilegal nga druga sa Sitio Nato, Brgy. Aguisan, syudad sang Himamaylan kagab-i, Hulyo 28.

Ang suspek ginkilala kay Joy Jen Utana, 28 anyos residente sang Brgy 6, syudad sang Kabankalan.

Suno kay PLt. Arturo Margallo, Deputy Chief of Police sang Himamaylan City Police station, si Utana ang nalista bilang number 1 most wanted person sang Kabankalan PNP kag paagi sa Manhunt Charlie Operation, tigayon nga ginserbi sa iya ang mandamiento de aresto sa kaso Violation of Sec. 5, sang R.A. 9165, kag wala sang piyansa batok sa iya.

Sa pag-aresto, narekober sa iya ang 1 ka gramo sang ginasuspetsuhan shabu nga may Standard Drug Price 6,800.

Si Utana ang priso karon sa custodial facility sang Himamaylan PNP kag ginahanda na ang kaso paghupot sang ilegal nga druga kag drug paraphernalia batok sa iya. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.