MENU

GOV. LACSON, NABALAKA SA EPEKTO SA TURISMO SA DUGANG NGA SOLDADO NGA GINPADALA SA NEGROS ORIENTAL

  • at 5:31 pm
Share on facebook
Share on pinterest
Share on twitter
Share on print

Nabalaka si Negros Occidental Governor Bong Lacson sa mangin epekto sa industriya sang turismo sa Negros Oriental , ang pagpadala sang dugang nga mga soldado sa probinsiya agud magbulig sa security checkpoints matapos ang pagpatay kay Governor Roel Degamo.

(Philippine Army Spearhead Troopers FB Photo)

Suno kay Lacson, labing apektado sini amo ang mga dumuluong nga turista.

Nagalaom ang gobernador nga mapadasig ang pagresulbar sa problema, labi na ang toyu nga pag-arestar sa mga nabilin nga suspetsado sa pagpatay kay Degamo kag 8 pa ka iban.

Kahapon Marso 12, masobra 10,000 ka tropa sang gobyerno ang ginpadala sa Negros Oriental agud magbulig sa seguridad kag magpangita sa iban pa nga mga suspetsado.

Suno sa Armed Forces of the Philippines (AFP) Visayas Command, ang tropa ginabug-usan sang mga personnel halin sa 6 ka mga Army Battalions sa Negros Island.

Sila ang gin destino sa 3rd kag 2nd districts sang Negros Oriental agud magbulig sa joint law enforcement operations sa pronbinsiya. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

REKLAMO NGA MURDER GINPASAKA BATUK SA TATLO KA SUSPEK SA KINAGAMO SA MURCIA

April 2, 2023

Ginpasaka na ang murder complaint subong nga Sabado, batuk sa tatlo ka mga suspek nga sanday Marjune Gallano, Jojie Gallano, kag Venus Grace Catbagan lunsay residente sang Brgy Canlandog, banwa sang Murcia nga ginatudlo nga responsable sa kinagamo nga nagluntad sa Brgy Salvacion, banwa sang Murcia ala 1:10 sang aga, sang Byernes nga adlaw, Marso 31.

Suno kay Police Major Marc Joeil Reclamado, Chief of Police sang Murcia PNP nga kaupod man nga nagpadulong sa Hall of Justice ang pamilya sang mga biktima.

Ginkumpirmar ni Reclamado nga outpatient na sa karon ang isa ka pulis samtang yara pa sa ospital ang isa ka personnel kag estable na ang kondisyon samtang, ang isa ka sibilyan ang yara pa sa ospital kag estable naman ang medical status.

Nagpanugyan man ang hepe sa publiko nga kun mag-inom-inom dapat magsinadya lang kag likawan ang ginamo nga makaresulta sang krimen.

Nagpasiguro man si Reclamado sa pumuluyo nga padayon ang ila trabaho nga mapabilin ang kalinong kag katawhay sang banwa.

Sa piyhak nga bahin, maga-deploy man ang hepe sang mga police personnel sa mga lugar nga permi ginabisita sang turista sa maabot nga semana santa. | Aksyon Zil Menardo

What’s your Reaction?
+1
0
+1
0
+1
0
+1
0
+1
0
+1
0
+1
0

LIBRE NGA PAGKAPON KAG NEUTER PROGRAM SA MGA SAPAT GINPATIGAYON SA CADIZ

April 2, 2023

Madinalag-on nga ginpatigayon sang City Veterinary Office (CVO) sa syudad sang Cadiz, Negros Occidental ang libre nga pagkapun kag neuter program para sa mga ido kag kuring, bilang kabahin sa  Rabies Awareness Month.

(Cadiz LGU Photo)

Toyu sini agud mapahagan-hagan ang pagdamo sang  mga layaw nga kasapatan sa syudad kag mapromote  ang responsible pet ownership  sa mga  Cadiznons.

Ini nga  programa ang gintambungan sang mga pet owners sang  Cadiz City, nga nagdala sang ila hinuptanan nga ido  sa  CVO para sa  procedure. 

Ang rabies ginakonsiderar nga  ‘neglected disease’ nga may 100% fatal apang  100%  man nga preventable.  

Ang Department of Health ang may Rabies Prevention and Control Program  nga may tinutoyu agud mapunggan kag makontrol ang rabies infection paagi sa paghatag kag pagpromote sang accessible vaccines, rabies education kag awareness sa publiko.

 Basi sa Executive Order No. 84, series of 1999, ang bulan sang Marso kada tuig ang ginadeklarar   nga Rabies Awareness Month. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.