GOV LACSON NAGALAUM NGA MANGIN BENTAHA ANG PAGPUNGKO NI MARCOS JR. BILANG AGRICULTURE CHIEF

Share on facebook
Share on google
Share on pinterest
Share on twitter
Share on print
(BongBong Marcos Jr. FB Photo)

Nagapati si Negros Occidental Governor Bong Lacson nga mangin madasig ang pagdesisyon sa mga programa ukon proyekto sang Department of Agriculture (DA) nga temporaryo pagadumalahan ni President-elect Bongbong Marcos.

Suno kay Lacson, ang pagserbe ni Marcos bilang agriculture secretary ang isa ka pamatuod nga iya ginahatagan  sang prayoridad ang sektor sang agrikultura.

Nagasalig ang gobernador nga mangin bentaha ini para sa Pilipinas nga isa ka agricultural country.  

Nagligad nga Lunes, gin-anunsiyo ni Marcos nga siya ang magaserbe nga agriculture secretary kun mag-umpisa na sa pagpangalagad ang iya administrasyon sa maabot nga Hunyo 30.

Ginhimo ni Marcos ang anusiyo, pila ka semana ang nagligad sang magpaandam ang DA nga posible may matabo nga food crisis sa second half sang 2022. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

PINAKAUNA NGA EXECUTIVE ORDER NI BENITEZ AMO ANG PAGTUKOD SANG TRUTH COMMISSION – INCOMING CITY ADMINISTRATOR

Ginpahayag ni incoming City Administrator Atty. Pacifico “Boyet” Maghari III, nga ang truth commission ang pagabug-usan sang tatlo ka mga miembro.

Ginpahayag ni Maghari, nga natalana mag papanaug si Mayor-elect Albee Benitez sang pinakauna sini nga Executive Order nga nagatukod sang amo nga komisyon nga posible magwa sa Hulyo 1.

Ginkumpirmar ni Maghari nga ang komisyon ang pamunuan ni incoming City Legal Officer Romeo Carlos Ting Jr., siya bilang City Administrator kag isa pa ka wala mahingadlan.

Suno kay Maghari, maga kuha man sila sang consultants kag resource persons nga magagiya sa Truth Commission kag para mapatuman ang mga function sini base sa mando sang Alkalde.

Ginklaro ni retired state auditor Marilou Reyes, nga indi pa siya miembro sang Truth Commission bangud ini ang pagabug-usan sang organic nga miembro sang City Hall.

Sa nahibaluan, tinutuyo sang Truth Commission nga mausisa ang mga transaksyon sang outgoing administration kag para indi masulit ang mga sala kag para sa matinlo nga panggobyerno.

What’s your Reaction?
+1
0
+1
0
+1
0
+1
0
+1
0
+1
0
+1
0

TRUTH COMMISSION GINKWESTYON ANG 1.5B NGA TRANSAKSYON SANG OUTGOING ADMINISTRATION

Gin red flag ukon ginakwestyon sang Truth Commission ang masobra 1.5 billion pesos nga transaksyon sang outgoing administration.

Ini ang gin anunsyo ni Atty. Lyzander Dilag, spokesman ni Mayor-elect Albee Benitez, sa pinakauna nga press conference sang Truth Commission kaina sang hapon, Martes, Hunyo 28.

Nag atubang man sa press conference ang resource person nga si Marilou D. Reyes, isa ka retired state auditor.

Ginpahayag ni Reyes, ang 1.5 billion nga ila gin red flag ang base sa annual audit report sang Commission on Audit (COA) humalin 2017 tubtob 2020.

Base sa datus nga ginpresentar sa media, lakip sa ginakwestyon ang cash grants kag cash advances, landfill facilities kag sanitation services, construction in progress accounts, local disaster risk reduction and management fund, supplies inventory accounts, emergency funds, unimplemented projects kag weakness in recording and monitoring.

Ginklaro ni Reyes, nga iban nga mga finding ang posible na address na, iban ang wala pa napatuman ukon iban ang partially implemented.

Ginpahayag ni incoming City Administrator Pacifico “Boyet” Maghari III, nga indi lamang limitado sa walo ka mga item ang pagpangusisa sang Truth Commission.

Suno kay Maghari, ang walo ka item ang mga indicator pa lamang kag kinahanglan pa sang maidid nga verification.

Dugang pa ni Maghari, padayon man ang ila pagbaton sang report halin sa publiko kag pagtipon sang iban pa nga dokumento sa tion nga maglab-ot na sa komitiba. Ginpahayag naman ni Atty. Lyzander “Bong” Dilag, spokesman ni Mayor-elect Albee Benitez, luyag lamang sang bag-o nga administrasyon sang matinlo, madasig kag mabinungahon nga panggobyerno.

Suno kay Dilag, ginaduso man sang bag-o nga administrasyon nga mauntat ang endemic kag systemic corruption kag makapatuman sang nagakaigo nga mga measure.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.