GOV LACSON NAGKLARO NGA WALA NALUTSAN ANG PROBINSYA SANG MGA TRAVELER GIKAN SOUTH AFRICA

Share on facebook
Share on google
Share on pinterest
Share on twitter
Share on print

Ginklaro ni Governor Bong Lacson nga wala nalutsan ang Negros Occidental sang mga travelers halin sa South Africa.

Ini ang reaksyon sang gobernador sa pagkuwestyon ni deputy for medical data and analysis sang Bacolod Emergency Operations Center-Task Force Dr. Chris Sorongon, kun ngaa nakasulod sa probinsiya ang tatlo ka mga dumuluong, bisan nga may istrikto nga implementasyon sang S-Pass ang gobyerno probinsiyal.

Suno kay Lacson, wala mag-agi sa probinsiya kag wala man magproseso sang S-PaSS ang amo nga mga dumuluong, bangud nagkuha lamang ini sang temporary pass nga automatic man nga gina aprobahan.

Ginpanindugan pa sang gobernador nga indi ang gobyerno probinsiyal ang nagpatigayon sini, bangud syudad sang Bacolod ang gin-usar nga address.

Sa rekord ni Provincial Administrator Atty. Rayfrando Diaz II ang tatlo nga mga consultants sang power firm, ang nag-abot sang Nobyembre 25, samtang Nobyembre 26 sang aga naman nag-abot ang isa pa, nga halin man sa South Africa.

Sila ang ginpaidalom na sa swab tests, agud mahibaluan kun positibo sa Omicron variant sang Covid-19.

Ginpahayag ni Provincial Incident Management Team (PIMT) Head Dr. Zeaphard Gerhart Caelian nga wala sang dapat kabalak-an apisar nga may mga South Africans nga nakasulod sa probinsya sang Negros Occidental.

Suno kay Caelian, wala sang dapat kabalak-an bangud kumpleto sa dokumento lakip na ang negatibo nga swab test result ang mga nakasulod nga South Africans. 

Apang suno kay Caelian agud maka-siguro liwat sila nga ipaidalom sa swab test subong nga adlaw.

Ang mga nasambit nga South Africans ang naka-quarantine sa karun sa ila nga rented facility.| Aksyon Marlon Genovea

What’s your Reaction?
+1
0
+1
0
+1
1
+1
0
+1
0
+1
0
+1
0

BACOLOD GINADUSO ANG NEGATIVE ANTIGEN TEST RESULT SA MGA TRAVELER HALIN SA MANILA

Ginaduso sang lokal nga panguluhan sang syudad sang Bacolod nga tugutan ang mga inbound passengers halin sa Manila nga mag presentar sang negative Rapid Antigen Test sang sa negative RT-PCR Test result para sa mga fully vaccinated.

Si Bacolod Mayor Evelio Leonarda ang nagpadala sang sulat kay Governor Bong Lacson nga nagapangabay sang virtual meeting sa tuyo nga ma harmonize ang travel guidelines upod ang kapitolyo probinsyal.

Base sa sulat ni Leonardia, nakabaton sang madamo nga mga concern ang syudad kag mga opisyal halin sa in-bound travelers halin sa Manila angut sa requirement nga negative RT-PCR test result nga dapat 72 hours antes ang ila nga scheduled flights.

Pero bangud sa pagsaka sang Covid-19 cases sa NCR, ginpahayag sang Alkalde, nga madamo ang RT-PCR tests nga ginapatigayon sa mga DOH accredited clinics kag molecular laboratories nga naga resulta sa pag release sang test resulta lapaw sa 72 oras nga required period.

Suno sa Alkalde, ginpalambot man sa ila ang concern angut sa presyo sang RT-PCR Test nga 3,300 tubtob 5,000 sa kada test, ikomparar sa RAT nga 800 pesos kag magwa ang resulta sa sulod snag 30 minutos.

Suno pa kay Leonardia, gina konsiderar man sang syudad nga ang mga pasahero sa Manila nga wala nakakuha sang kopya sang ila RT-PCR test result sa insakto nga tion bangud sa delay sa molecular laboraties, ang tugutan nga makasay sa eroplano pero dapat magpaidalum sa RAT sa pag abot sa Bacolod-Silay Aiport.

Ginpahayag ni Dr. Chris Sorongon, deputy for medical and data analysis sang Bacolod Emergency Operations Center, ila pa ginahulat ang sabat sang gobernador kag nagalaum nga madayon ang ginapangabay nga pagsinapol.

What’s your Reaction?
+1
0
+1
0
+1
0
+1
0
+1
0
+1
0
+1
0

OTORIDAD PADAYON NGA GINA USISA ANG KAMATAYON SANG PULIS NGA NASAPWAN SA HINIGARAN

Nagapati ni Police Capt. John Christopher Masangkay hepe sang Police Station 5 nga nagabinutig si Constancio Canoy Jr. nga upod ni Police Corporal Nestor Madelo sang matabo ang aksidente sadtong Sabado sang gab-i sa Barangay Sum-ag syudad sang Bacolod.

Si Canoy ang nagamaneho sang carry samtang sakay si Madelo sang na aksidente sa Barangay Sum-ag.

Suno kay Masangkay, may ginatago kag luyag ni Canoy nga patalangon ang imbestigasyon sang kapulisan angot sa natabo nga aksidente.

Natingala si Masangkay nga sabaylo dal-on ni Canoy ang pilason nga si Madelo iya ginbilin sa Bangga Akas Barangay Pilar banwa sang Hinigaran sa diin didto nakita ang patay nga lawas sang pulis.

Indi mabaton ni Masangkay ang rason ni Canoy nga hubog kag nahadlok ini kabangdanan nga ginbilin niya ang biktima sa nasambit nga lugar.

Nagapati si Masangkay may iban pa nga motibo si Canoy kon nga-a didto niya gindala sa lugar ang biktima. | Aksyon Eric Magbanua

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.