MENU

GOV. LACSON NAGKLARO NGA WALA SANG KOMPIRMASYON NGA MAY NAG ATRAS NGA INVESTOR SA BULK WATER PROJECT

  • at 7:50 pm
Share on facebook
Share on pinterest
Share on twitter
Share on print

Ginklaro ni Governor Bong Lacson nga wala sang kompirmasyon ang report may kaangtanan sa pag-atras sang interested investor sa Bulk Water Supply Project sang Negros Occidental.

Suno kay Lacson , padayon sa gihapon nga naga-enganyo ang gobyerno probinsiyal sang mga potential investors sa amo nga proyekto, nga isa sa mga prayoridad sang iya administrasyon subong nga 2023.

Dugang pa ni Lacson, wala pa sang signipikante nga ‘update’ sa plano sang duha ka mga interested investors nga Aboitiz InfraCapital, kag kumbuyahan nga ginapanag-iyahan sangbillionaire tycoon nga si Enrique Razon. Una nga nagpresentar sang plano kay Lacson ang Aboitiz kag nagpahayag sang P2.8 billion nga investment.

Una diri, gin-ako sang gobernador nga ang desisyon sang Bacolod City Water District (BACIWA) nga pag-atras sa ila partisipasyon sa bulk water project ang isa ka hangkat sa gobyerno probinsiyal kun paano mapatigayon ang amo nga proyekto.

Sa karon ginatinguhaan sa gihapon sang probinsiya nga makombinsir ang mga investors kag malakip ang local government units sang Victorias City kag EB Magalona sa proyekto.

Target sang gobyerno probinsiyal nga makapatigayon sang public bidding sa bulan sang Hunyo.

What’s your Reaction?
+1
0
+1
0
+1
0
+1
0
+1
0
+1
0
+1
0

FISH VENDORS NGA WALA NAGABUTAN SA RAFFLE, PANGITAAN SANG PWESTO

September 25, 2023

Ginkumpirmar ni City Administrator Atty. Pacifico Maghari III nga naga lambot tubtob 80 mil pesos pasaka ang utang sang pila ka mga fish vendors nga wala ginlakip sa masterlist para sa raffle sa pwesto sa Central Market.

Sa press conference, Lunes, ginpahayag ni Maghari, nga 90 ka stalls ang available sa fish section sa Central Market kag 104 ka ngalan ang yara sa masterlist.

Ginpahayag ni Maghari, lima ka fish vendors nga nag reklamo ang deliquent payers kag madugay na nga gindeklarar nga bakante ang ila pwesto bangud sa ila utang.

Pero suno sa City Administrator, bukas ang syudad nga mapangitaan sila sang pwesto sa tion nga mabayran ang ila nga utang lakip man ang 14 nga wala nagabutan sa raffle.

Suno kay Maghari, natalana nga magasapol ang Local Market Committee para talakayon ang posible pwesto nga ginsuhestyon sang mga asosasyon sa mga wala sang pwesto.

Ginklaro ni Maghari nga bulanan ang ginabayran sang mga fish vendors sa syudad kag indi lamang arkabala sa kada adlaw.

What’s your Reaction?
+1
0
+1
0
+1
0
+1
0
+1
0
+1
0
+1
0

ANUM NGA NAPATAY SA ENKWENTRO GINAANGUT SA KRIMEN SA PROBINSYA

September 25, 2023

Gin alegar sang militar nga may kahilabtanan sa anom ka krimen sa Southern Negros ang anom ka napatay sa engkwentro sa syudad sang Kabanklan sadtong Hwebes sang gab-i, Setyembre 21.

Suno kay Lt. Col. Jayjay Javines, Civic Military Officer sang 3rd Infantry Division sang Philippine Army, madugay na nga gina-monitor sang militar si Alejo Delos Santos Alyas Peter bangod ini ang ginatudlo lider sang armado nga grupo nga nagpatay sa pila ka tropa sang militar sa Cauayan kag Sipalay.

Paathag ni Javines nga ginatudlo ang anom ka napatay nga may kahimuan sa pagsunog sang backhoe kag pagluthang sa duha ka militar sa Barangay Camindangan, syudad sang Sipalay sadtong bulan sang Marso kag Nobyembre 2022.

Subong man, gin alegar nga ang grupo man ni Delos Reyes ang nag-ambush sa duha ka soldado sa Barangay Yaoyao, banwa sang Cauayan sang Abril 2021.

Palayag pa ni Javines, indi na mapanginwala sang mga rebelde ang nasambit nga mga krimen tungod ang ila pag-ako naka-post sa ila official website.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.