GOV LACSON NAGMANDO SA PHO NGA IPADALA ANG RAT KITS SA MGA DISTRICT HOSPITAL

Share on facebook
Share on pinterest
Share on twitter
Share on print

Ginmando ni Governor Bong Lacson sa Provincial Health Office (PHO) nga ipadala sa mga district hospital  ang Rapid Antigen Test (RAT) Kits,  agud mausar  sa mga pasyente nga nagakinahanglan.

Ini ang ginpahayag  ni  Provincial Administrator Atty. Rayfrando Diaz II, matapos mahibaluan  nga nagadamo ang mga pasyente  nga ginadala sa hospital  bangud  sa nagkalain-lain nga ginabatyag.

Suno kay Diaz, kalabanan  sa mga pasyente   ang  wala sang ginabatyag nga sintomas sang COVID-19, apang  positibo sa RAT ukon RT-PCR test.

Nagapati si Diaz  nga ini ang  ginhalinan kun ngaa madamo sang mga health care workers  ang nalatnan sang COVID-19  kag madamo  man sang mga  asymptomatic individuals  nga nagalagaw sa probinsiya  nga  posible  infected na sang COVID-19.  

Basi sa obserbasyon ni Diaz,   ang bag-o nga variant  sang COVID-19  ang nagatuga sang malip-ot lamang nga mga inadlaw  sang trangkaso ukon hilanat.

Apang   suno kay Diaz, wala  sa gihapon sang kompirmasyon  ang Philippine Genome Center  kun Omicron variant na ang naga igo  sa Negros Occidental. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
1

MORE STORIES:

LIKE US ON FACEBOOK

error: Ooops... You are not authorized to copy this content.