GOV LACSON NAGPASIGURO SANG LOGISTICAL SUPPORT SA NOCPPO

Share on facebook
Share on google
Share on pinterest
Share on twitter
Share on print

Nagpasalig si Negros Occidental Governor Bong Lacson sang logistical support sa kapulisan sa probinsya sang Negros Occidental.

Suno kay Police Lt. Abegail Donasco, Spokesperson sang Negros Occidental Police Provincial Office (NOCPPO), nangin madinalag-on ang pagsinapol ni NOCPPO Director Col. Leo Pamitan kag Governor Bong Lacson.

Sa pagsinapol, ginpasiguro ni Lacson nga magahatag ang probinsya sang suporta sa mga kinahanglanon sang kapulisan ilabi na kun ini may angut sa pagmintinar sang seguridad kag kahilwayan.

Ginpahayag man ni Donasco nga bukas si Lacson para sa kapulisan nga maghingyo sang ila mga kinahanglanon.

Sa baylo, ginpasiguro naman sang pamunuan sang NOCPPO sa probinsya nga magapabilin aktibo kag alerto ang pulis kag magatinguha sa pagsolbar sang mga kaso. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

PINAKAUNA NGA EXECUTIVE ORDER NI BENITEZ AMO ANG PAGTUKOD SANG TRUTH COMMISSION – INCOMING CITY ADMINISTRATOR

Ginpahayag ni incoming City Administrator Atty. Pacifico “Boyet” Maghari III, nga ang truth commission ang pagabug-usan sang tatlo ka mga miembro.

Ginpahayag ni Maghari, nga natalana mag papanaug si Mayor-elect Albee Benitez sang pinakauna sini nga Executive Order nga nagatukod sang amo nga komisyon nga posible magwa sa Hulyo 1.

Ginkumpirmar ni Maghari nga ang komisyon ang pamunuan ni incoming City Legal Officer Romeo Carlos Ting Jr., siya bilang City Administrator kag isa pa ka wala mahingadlan.

Suno kay Maghari, maga kuha man sila sang consultants kag resource persons nga magagiya sa Truth Commission kag para mapatuman ang mga function sini base sa mando sang Alkalde.

Ginklaro ni retired state auditor Marilou Reyes, nga indi pa siya miembro sang Truth Commission bangud ini ang pagabug-usan sang organic nga miembro sang City Hall.

Sa nahibaluan, tinutuyo sang Truth Commission nga mausisa ang mga transaksyon sang outgoing administration kag para indi masulit ang mga sala kag para sa matinlo nga panggobyerno.

What’s your Reaction?
+1
0
+1
0
+1
0
+1
0
+1
0
+1
0
+1
0

HIMAMAYLAN MAY PINAKADAMO NGA DENGUE CASES SA NEG OCC

1,309 na ang kaso sang dengue hemorrhagic fever sa Negros Occidental subong nga 2022.

Sa dengue fever surveillance report sang Provincial Health Office, ini nga mga kaso ang narekord umpisa Enero 1 tubtub Hunyo 18, 2022.

Ini ang mas mataas sang 557% ikomparar sang nagligad nga 2021 sa amo man nga period.

May pinakadamo nga kaso ang Himamaylan – 142, Kabankalan – 118, San Carlos – 111, Hinigaran – 107 , kag La Carlota – 92. Nagdangat naman sa 7 ang mga nagkalamatay. Ini ang halin sa Toboso, Talisay, La Carlota, Hinigaran kag Himamaylan nga may tig-isa, samtang 2 naman sa banwa sang Calatrava. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.