Nakigsapol si Negros Occidental Governor Bong Lacson kay DILG Secretary Benjamin Abalos Jr. sa ginpatigayon nga Local Governance Regional Resource Center (LGRRC) Western Visayas Meeting sa Days Hotel syudad sang Iloilo City, subong nga adlaw, Hwebes.
Si Lacson ang isa lamang sa mga opisyal sang gobyerno sa Western Visayas nga nagtambong sa amo nga aktibidad.
Sa mensahe ni Abalos iya ginpanugyan sa mga Local Government Units nga mangin matuod kag praktikal. Dugang pa ni Abalos, ginmando sa iya ni Presidente Bongbong Marcos Jr., nga buligan ang mga LGUs.
Suno kay Abalos, tion na agud amendahon ang Local Government Code.
Iya man ginpasalamatan ang mga gobernador, alkalde kag punong barangays sa pagtinguha agud maresulbar ang insurhensiya kag pagsuporta sa iya panawagan nga courtesy resignation sa mga matag-as nga opisyal sang PNP.
Iya man nga ginpabalo ang plano nga “aftercare program” sa mga priso kag pagbulig para makakita sang trabaho sa tion nga makabalik na sa sosyudad. | Aksyon Marlon Genovea
