Pamunuan ni Negros Occidental Governor Bong Lacson ang groundbreaking ceremony sa bamboo processing facility sa 1.6-hektarya nga Biodiversity Conservation and Nature Tourism Center sa Sitio Tambara, Brgy. San Fernando, syudad sang Talisay sa Biyernes Marso 31, 2023.
Diri ipresentar ni Provincial Administrator Atty. Rayfrando Diaz ang overview sang proyekto.
Sa paglansar sang una nga Provincial Bamboo Fair sa Bacolod nagligad nga Setyembre 26, ginpahayag ni Lacson nga daku ang iya pagsalig nga ang pagpromote kag pagpananum sang kawayan ang makabulig sa kampanya sang gobyerno probinsiyal nga maresulbar ang environmental problems, pareho sang naga-gamay nga forest cover, flora kag fauna, kag water security.
May inisyal nga P9 million nga ginpain ang gobyerno probinsiyal para sa pagpatukod sang multi-purpose building, bamboo treatment facility , tatlo ka panalgan nga watchtower, 10-room tourist facility nga may camp site para sa mga bisita, kag laboratoryo para sa mga scientists nga magatuon sa nagapalibot nga flora kag fauna. Ini tanan ang patukuron paagi sa kawayan. | Aksyon Marlon Genovea
