GOV LACSON WALA NAGAKOMPYANSA BISAN MANUBO ANG COVID-19 CASES SA PROBINSYA

Share on facebook
Share on google
Share on pinterest
Share on twitter
Share on print

Kabigon sa gihapon nga seryuso ang kampanya kontra COVID-19 bisan pa nga nagnubo na ang kaso sini sa Negros Occidental.

Ini ang ginpanugyan ni Governor Bong Lacson, matapos ma-detect ang 17 ka mga kaso sang mas makalalaton nga Omicron subvariant BA.2.12.1, sa diin 3 sa mga ini ang na-detect sa Western Visayas.

Suno kay Lacson nagakadapat lamang nga obserbahan sang maayo kun anu ang epekto sang amo nga variant.

Dugang pa sang gobernador nga sa karon nagapabilin nga manubo ang kadamuon sang mga pasyente nga ginatatap sa mga hospital kag may ‘mild symptoms’ lamang nga ginabatyag.

Wala man sang plano ang gobyerno probinsiyal nga magsira sang mga borders.

Ang importante lamang suno kay Lacson nga mapabilin sang publiko ang proteksyon sa kaugalingon paagi sa pagtuman sang minimum health protocols, agud mapadayon ang pagnubo sang kaso sang COVID-19. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

TRUTH COMMISSION GINKWESTYON ANG 1.5B NGA TRANSAKSYON SANG OUTGOING ADMINISTRATION

Gin red flag ukon ginakwestyon sang Truth Commission ang masobra 1.5 billion pesos nga transaksyon sang outgoing administration.

Ini ang gin anunsyo ni Atty. Lyzander Dilag, spokesman ni Mayor-elect Albee Benitez, sa pinakauna nga press conference sang Truth Commission kaina sang hapon, Martes, Hunyo 28.

Nag atubang man sa press conference ang resource person nga si Marilou D. Reyes, isa ka retired state auditor.

Ginpahayag ni Reyes, ang 1.5 billion nga ila gin red flag ang base sa annual audit report sang Commission on Audit (COA) humalin 2017 tubtob 2020.

Base sa datus nga ginpresentar sa media, lakip sa ginakwestyon ang cash grants kag cash advances, landfill facilities kag sanitation services, construction in progress accounts, local disaster risk reduction and management fund, supplies inventory accounts, emergency funds, unimplemented projects kag weakness in recording and monitoring.

Ginklaro ni Reyes, nga iban nga mga finding ang posible na address na, iban ang wala pa napatuman ukon iban ang partially implemented.

Ginpahayag ni incoming City Administrator Pacifico “Boyet” Maghari III, nga indi lamang limitado sa walo ka mga item ang pagpangusisa sang Truth Commission.

Suno kay Maghari, ang walo ka item ang mga indicator pa lamang kag kinahanglan pa sang maidid nga verification.

Dugang pa ni Maghari, padayon man ang ila pagbaton sang report halin sa publiko kag pagtipon sang iban pa nga dokumento sa tion nga maglab-ot na sa komitiba. Ginpahayag naman ni Atty. Lyzander “Bong” Dilag, spokesman ni Mayor-elect Albee Benitez, luyag lamang sang bag-o nga administrasyon sang matinlo, madasig kag mabinungahon nga panggobyerno.

Suno kay Dilag, ginaduso man sang bag-o nga administrasyon nga mauntat ang endemic kag systemic corruption kag makapatuman sang nagakaigo nga mga measure.

What’s your Reaction?
+1
0
+1
0
+1
0
+1
0
+1
0
+1
0
+1
0

ONSE NA KA MGA LUGAR SA NEG OCC ANG NAPAIDALUM SA ALERT LEVEL 1

Ginpaidalom sa COVID-19 Alert Level 1 tubtub Hulyo 15, 2022 ang syudad sang Talisay kag banwa sang Valladolid sa Negros Occidental.

Ini nga mga lugar amo ang ulihi nga ginlakip sang Inter-Agency Task Force on Emerging Infectious Diseases, sa 11 ka mga local government units (LGUs) sa Negros Occidental nga Alert Level 1.

Una na nga ginpaidalom sa amo nga Alert Level ang mga syudad sang Cadiz , Victorias, La Carlota, Sagay, banwa sang Pulupandan, Enrique B. Magalona, Pontevedra, Candoni kag San Enrique.

Subong nga adlaw gin-anunsiyo sang Malakanyang paagi kay Acting presidential spokesman Martin Andanar nga 85 sa 121 ka mga kaprobinsiyahan, highly urbanized cities, kag independent component cities, kag 166 sa 744 ka iban pa nga component cities kag municipalities, ang ginpaidalom sa Alert Level 1 tubtub Hulyo 15.

Nagapabilin naman sa Alert Level 2 ang iban pa nga mga lugar sa Negros Occidental. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.