GROUND BREAKING SA BAG-O NGA SOLAR POWER FARM SA SILAY, GINPATIGAYON

Share on facebook
Share on pinterest
Share on twitter
Share on print

Ginpatigayon ang groundbreaking ceremony sang phase 2 sang bag-o nga Negros Occidental Solar Power plant sa Sta. Maria, Brgy. E. Lopez, syudad sang Silay Negros Occidental subong nga adlaw Pebrero 20, 2024.

Ini ang may kapasidad nga 69-MWp solar farm sang Citicore Renewable Energy. Ang seremonya ginpamunuan sang Citi Core executives kag mga opisyal sang Silay paagi kay Mayor Joedith Gallego.

Ini na ang ikaduha nga solar power plant sang Citicore Power Inc. sa Silay, sa diin ang una amo ang 25-megawatt solar power plant sa 43 hektarya nga propeidad sa Brgy. Rizal nga nag-umpisa sa pag-operar sang Pebrero 2016.

Ini ang nagasuplay na sang power sa kapin 30,000 ka mga panimalay nga konektado sa Visayas grid.

Magluwas sa Silay, ginakilala man bilang pinakadaku nga solar farm sa Southeast Asia kag ikapito sa bug-os nga kalibutan, ang P10-billion pesos nga solar plant sa Hacienda Paz, Barangay Tinampaan syudad sang Cadiz.

Ang Negros Occidental ang may kabug-usan nga installed renewable energy capacity nga 510 megawatts nga gina-produce sang 16 ka mga power plants.

Ini ang ginalakipan sang walo ka biomass , anom ka solar plants kag isa ka battery energy storage system.

What’s your Reaction?
+1
0
+1
0
+1
0
+1
0
+1
0
+1
0
+1
0

PERTUSSIS CASES SA BACOLOD NAGSAKA SA ANUM

Nadugangan pa sang tatlo ka kumpirmado nga kaso sang pertussis ang syudad sang Bacolod.

Bangud sini nagsaka sa anum ang kabug-usan nga kaso sang pertussis sa syudad halin Enero 1 tubtob Abril 6, 2024 nga datus sang Bacolod City Health Office.

Sa report sang Bacolod CHO, nakagwa na sa hospital ang anum ka mga pasyente nga naga edad isa ka tuig panubo.

Duha ka kaso ang na record sa Barangay Tangub samtang tig isa naman sa Barangay Granada, Handumanan, Taculing, kag Villamonte.

May lima naman ka samples ang nag negatibo sa masakit samtang may duha pa ka samples nga pending pa ang resulta sa RITM.

What’s your Reaction?
+1
0
+1
0
+1
0
+1
0
+1
0
+1
0
+1
0

TERMINATION SANG JVA CONTRACT SANG BACIWA-PRIMEWATER, GINAKONSIDERAR NI MAYOR ALBEE

Ginakonsiderar ni Mayor Albee Benitez nga i-terminate ang kontrata sang joint venture agreement sa tunga sang Primewater kag BACIWA ukon re-negotiation.

Sa press conference, Lunes, ginpahayag ni Benitez nga nagpangayo ini sa BACIWA sang listahan sang mga bayolasyon sang Primewater sa ginsudlan nga kontrata.

Isa sa ginbasehan ni Benitez nga bayolasyon amo ang section 5.1.2 sang kontrata, nga sa sulod sang lima ka tuig halin 2020, dapat masiguro ang 24 oras nga tubod sang tubig sa katapusan sang ikaduha nga tuig, nga tubtob karon wala na comply.

Ginapasabat ni Benitez ang BACIWA kon ano ang ila nga nahimo sa mga bayolasyon sa kontrata kag kon may penalidad nga ginpapanaug batuk sa Primewater.

Nagapangayo man si Benitez sa BACIWA sang water security plan nga indi lamang sabat sa epekto sang El Niño kundi diin tubtob ang water supply sang syudad.

Suno sa Alkalde, naga claim ang BACIWA nga 90 million liters a day (MLD) lamang ang kinahanglan sang Bacolod pero 125 MLD ang ginarekomendar sang mga eksperto para sa syudad matapos ang ginpatigayon nga verification.

Ginaduso ni Benitez nga may yara sang buffer plan sang tubig ang syudad kag nagsuhestyon nga ang mga deep wells sang Primewater ang dapat reserba sa tion sang emerhensya kag indi ini pag himuon nga primary source of water.

Liwat nga ginpakamalaot ni Benitez ang mga bag-o nga post sa social media nga nagapakita sa malubog nga tubig kag ang suhestyon nga ilisan na ang madaan nga mga tubo.

Bangud sini, nagapahayag si Benitez nga wala sang concrete investment ang Primewater para mapaayo ang ila serbisyo matapos ang apat ka tuig.


Ginklaro ni Benitez nga ‘done deal’ na ang JVA sang Primewater-Baciwa antes ini nagpungko bilang alkalde sang Bacolod.

ALBEE: WALA PA SANG MAY NAPIRMAHAN NGA KONTRATA MATAPOS ANG WATER SUMMIT

Tubtob karon wala sang kontrata nga nakita si Mayor Albee nga ginsudlan ang Baciwa-Primewater kaupod ang water supplier matapos ang water summit nagligad nga Enero 2024.

Ginpahayag ni Benitez, may mga water supplier nga nagahimo karon sang inisyatibo nga mag install sang mga water pipes bisan wala pa sang ginkasugtan nga kontrata.

Suno kay Benitez, may mga verbal agreement pero wala sang may nakita nga signed contract nga gin promisa sa iya nagligad nga water summit.

Una na nga ginkasugtan sa water summit nga ma deliver sang Baciwa-Primewater ang 20MLD nga shortage sang tubig sa sulod sang anum ka bulan.

Ang injection point 2 sang Bacolod Bulk Water Incorporated sa Murcia ang target makadeliver sang 15 million liters a day samtang magahalin naman sa spring water sa Barangay Alangilan ang dugang nga 5 million liters per day.

May proposal man nga magtukod sang water supply kag filtration facility kag maka deliver sang dugang nga 20MLD halin sa Matab-ang river.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.