GRUPO SANG NEGOSYANTE MAGAHINGYO SANG BULIG KAY MAYOR ALBEE BANGUD SA PADAYON NGA PAGSAKA SANG PRESYO SANG MGA BALAKLON

Share on facebook
Share on pinterest
Share on twitter
Share on print

Plano sang mga negosyante nga hinyuon na ang bulig sang Alkalde sa syudad sang Bacolod kag lokal nga panguluhan sang Negros Occidental angut sa wala untat nga pagtaas sa presyo sang naga panguna nga balaklon sa merkado.

Suno kay Metro Bacolod Chamber of Commerce and Industry ukon MBCCI Chief Executive Officer Frank Carbon, indi na ma agwanta sang ila hanay lakip na sang publiko ang naga naga katabo nga sitwasyon sa presyo gani panahon na nga ila man nga hinyuon ang bulig sang lokal nga mga opisyales sang gobiyerno.

Dugang pa ni Carbon, paagi sa talatapan sang City kag Provincial Adminstrator, luyag nila nga iga request kay Mayor Albee Benitez kag Governor Bong Lacson ang posible nga pag convene sang local price monitoring council para sa pagdihon sang naga kaigo nga lihok angut sa amo nga problema.  | Aksyon Art Tayhopon

What’s your Reaction?
+1
0
+1
0
+1
0
+1
0
+1
0
+1
0
+1
0

PROTESTA KONTRA CHARTER CHANGE, GINPATIGAYON

Nagprotesta ang pila ka mga personalidad sa Negros Occidental kontta sa ginaduso nga charter change (chacha) kadungan sa ika-38 nga komemorasyon sang Edsa People Power kahapon Pebrero 25, 2024.

Ini ang ginpamunuan nanday Most Rev. Gerardo Alminaza, obispo sang Diocese of San Carlos kag anay Governor Rafael Coscolluela.

Kapin 700 ka mga indibidwal halin sa multi-sectoral nga grupo ang nag-martsa halin sa Lagoon pakadto sa dalan Gonzaga atubang sang BCGC replica.

Suno kay Alminaza, imbes nga chacha, dapat tutukan sang mga lideres sang nasyon ang peacebuilding kag sulbaron ang armed conflict.

Dugang pa sang obispo, ang People’s Coalition for Democracy Negros ang nagapanawagan man sa mga Filipino nga ibasura ang anu man nga agenda sang chacha kag ipabilin ang legasiya sang people power.

What’s your Reaction?
+1
0
+1
0
+1
0
+1
0
+1
0
+1
0
+1
0

BATA NGA NAGPANAGO SA IDALUM SANG PICK-UP AKSIDENTE NGA NALAPAKAN, PATAY

Patay ang 4 ka tuig nga bata nga lalaki matapos nalapakan sang goma sang salakyan sa atubang sang KMart, sa dalan Galo, barangay 22, syudad sang Bacolod, alas 7:20 kagab-i, Sabado, (Feb. 24).

Sa inisyal nga pagpangusisa ni Capt. Francis Depasucat, hepe sang BCPO Police Station 4, ang menor de edad residente sang Galo, Barangay 22.

Ang suspek nga driver sang Navara pick-up ang isa ka babayi nagapang-edaron sang 35 anyos.

Dugang pa ni Depasucat, ginaalegar nagahampang ang biktima upod sa pila pa ka menor de edad kag nagpanago sa idalum sang pick-up sang aksidente nga naisulan kag nalapakan sang pangulihi nga goma ang lawas sini.

Ginhingagaw pa kon tani dala ang biktima sa Corazon Locsin Montelibano Memorial Hospital apang napatay samtang ginabulong.

Ginpahayag man ni Depasucat nga nag-istoryahanay na ang pamilya sang biktima kag ang suspek kag ginsabat man sini ang mga gasto asta sa pagpalubong.

Hungod nga wala ginhingadlan ni Depasucat ang ngalan sang suspek basi sa pangabay sang pamilya.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.