HANAY SANG NEGOSYANTE HANDA MAGHATAG SANG GASOLINE ASSISTANCE SA KAPULISAN

Share on facebook
Share on pinterest
Share on twitter
Share on print

Ginpasiguro sang Metro Bacolod Chamber of Commerce and Industry nga handa sila sa liwat nga pag donar sang gasoline assistance sa pamunuan sang BCPO sa tion nga hinyuon gid man ang ila bulig.

Suno kay MBCCI Chief Executive Officer Frank Carbon, indi man nila luyag nga pangunahan ang plano kag prayoridad sang BCPO Director angut sa mga motorsiklo nga damlag lang gin donar sang syudad, apang kon ini ang paga gamiton gid man para sa Police visibility kag pag patrolya handa sila nga maghatag sang liwat nga suporta.

Dugang pa ni Carbon, base sa programa nga ila ginhimo sadto upod sa mga nauna nga Director sang BCPO, may yara sang programa kag plano nga gina presentar ang kapulisan sa ila grupo bilang basehan sang ila gina patigayon nga performance ukon trabaho. | Aksyon Art Tayhopon

What’s your Reaction?
+1
0
+1
0
+1
0
+1
0
+1
1
+1
0
+1
0

LALAKI NGA MAY DALA NGA ARMAS LUTHANG SA SAN CARLOS, GINDAKOP

Nahunong karon sa custodial facility sang San Carlos City Police Station ang 41 anyos nga lalaki matapos nakuhaan sang armas sa San Juan/Bonifacio, Brgy. 5, syudad sang San Carlos las 12:10 sang kaagahon, Enero 28.

Ang nadakpan ginkilala kay Expedito Sayon kag residente sang Prk Agulang, Barangay Villegas, syudad sang Guihulngan, Negros Oriental.

Nagapatigayon sang mobile patrol ang grupo ni Police Master Sgt Rosendo Rosagazo Jr. kag nakita nga nagalabaw sa sling bag ni Sayon ang handle sang armas ni Sayon kag sang gin usisa, nakita ang isa cal. 38 revolver kargado sang 5  ka mga bala.

Si Sayon ang nagapangatubang sang kaso paglapas sa RA 10591 ukon paghupot samg ilegal nga armas.  | Aksyon Alvin Grava

What’s your Reaction?
+1
0
+1
0
+1
0
+1
0
+1
0
+1
1
+1
0

HOSPITAL SA SAGAY BALIK NA SA PAGBATON SANG ADMISYON SA MGA PASYENTE

Balik na ang pagbaton sang admisyon sa mga pasyente ang Alfredo E. Marañon Sr. Memorial District Hospital (AEMSMDH) sa syudad sang Sagay Negros Occidental.

Ini ang public advisory sang tagdumalahan sang hospital matapos ang temporary suspension sa patients admission umpisa nagligad nga Enero 21, bangud nalab-ot na ang 70-bed capacity. 

Ginpahanumdum man sang hospital nga ang tanan nga mga pasyente ang ipaidalom sa proper screening sa admission procedures kag referral sa iban nga mga  government hospitals.

Ini nga hospital ang isa lamang sa tatlo ka mga bululngan sa Negros Occidental nga ginadumalahan sang local government unit.

Ang duha amo ang Calatrava District Hospital kag Vicente Gustilo District Hospital sa syudad sang Escalante.

Samtang  ang 9 ka mga district hospitals ang ginadumalahan naman sang gobyerno probinsiyal. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.