HUGOT NGA PAGBANTAY SA PUERTO KAG SA BYAHE SANG MGA SAKAYAN PANDAGAT, GINMANDO SA TANAN NGA SUB-STATIONS SG PCG

Share on facebook
Share on google
Share on pinterest
Share on twitter
Share on print

Nagpapanaug na sang direktiba ang Philippine Coast Guard (PCG)- Negros Occidental sa tanan nga mga PCG substations kag mga puerto sa probinsya sang Negros Occidental nga hugton ang pagbantay sang biyahe sang mga sakayang pandagat matapos gin-suspend sang gobyerno ang biyahe sang mga Locally Stranded Individual (LSI) pabalik sa probinsya.

Suno kay PCG-Negros Occidental Commander Jansen Benjamin, una na nga wala nagpahunugot sa pagbaton sang mga LSI ang San Carlos kag Escalante Port gikan sa probinsya sang Cebu kag karun tanan nga nga pwerto na ang ginmanduan nga sundon ang mando sang gobyerno.

Ginklaro  ni Benjamin nga 2go nga passenger vessel lamang nga nagadungka sa BREDCO Port ang nagasakay sang pasahero gikan Metro Manila kag iban nga lugar sa luwas sang Region 6 rasun kun ngaa mas mahapos ma-monitor sang mga otoridad ang biyahe.

Dugang pa ni Benjamin, basi sa mando, ginapahanugutan pa sa gihapon ang pagbyahe sang mga essential goods.

Palayag pa ni Benjamin nga magapadayon ang biyahe sang mga fast crafts kag roll-on roll-off vessels sa lokal.

LALAKI, PATAY SANG GINBUNO SA ISABELA

Patay ang isa ka trabahante sang ini ang ginbuno sa Sitio Galo, Barangay 5, Banwa sang Isabela tinalikdan nga Domingo sang hapon.

Ang biktima ginkilala kay Jose Anillo, 45 anyos, nagapuyo sa Sitio San Jose, Barangay Bulad, samtang ang suspetsado ginkilala naman kay Bienvinido Pordan, 46 anyos kag nagapuyo naman sa lugar sang insidente.

Sa imbestigasyon sang Isabela PNP, nagahugas gid lamang sang motorsiklo si Anillo sang ginbuno ni Porda sa wala pa mahibal-an nga motibo.

Nadakpan ang suspetsado sa manhunt operation sang otoridad. | Aksyon Bryan Morden

ISA PATAY SA PAGBUNGGO SANG MOTORSIKLO SA TRUCK

Ginbawian sang kabuhi ang driver sang motorsiklo samtang pilason angkas sini sa aksidente nga nagluntad sa Sitio Bunacan, Barangay Salamanca, Banwa sang Toboso Domingo sang hapon.

Ang napatay ginkilala kay Rey Cansancio, 34 anyos nagapuyo sa Siito Bankerohan, ang pilason ginkilala kay Jimmy Mahilum, 61 anyos nagapuyo sa Sitio Tiguib, samtang ang suspetsado ginkilala naman kay Vincente Elmer Tiin, 53 anyos nagapuyo sa Crossing Salamanca sa amo nga Barangay.

Suno kay PCapt Paul Kenneth Magan, naglapaw sa kurbada nga bahin sang dalan ang ginamaniho nga motorsiklo sang napatay kag nasugata ang nagapadulong nga truck.

Dugang ni Magan, gin tinguhaan pa sang driver sang truck likawan ang motorsiklo, apang nalab-ot ini kag agkalatumba, rasun sa kamatayon ni Cansancio kag ginabulong sa hospital si Mahilum.

Yara naman sa kostudiya sang kapulisan si Tiin. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.