MENU

IAS DESK GINPAHAMTANG SA KADA POLICE STATION

  • at 6:08 pm
Share on facebook
Share on pinterest
Share on twitter
Share on print

Ginpasangkad sang Negros Occidental Provincial Internal Affair Service (NOC-PIAS) ang ila serbisyu sa pumoloyo matapos ginumpisahan ang Internal Affair Service ukon IAS Desk sa kada police stations sa syudad sang Bacolod kag Probinsya.

Suno kay NOCPIAS Provincial Superintendent Lt. Col Jomarie Occeño, ginhanas sang PNP-IAS ang mga imbestigador sang kapulisan sang tagsa ka mga City and Municipal Police station kag ginamanduan nga magbaton sang reklamo batok sa abusador nga mga pulis paagi sa IAS Desk.

Ginpaathag man ni Occeño, paagi sa data base” sang Provincial Internal Affair Service, sigurado nga makalab-ot sa ila opisina ang reklamo sang mga pumoloyo para naman sa madasig nga aksyon.

Nagapangabay si Occeño sa mga pumoloyo sa syudad sang Bacolod kag Probinsya nga magparecord sa tagsa ka police stations sa tion nga may reklamo batok sa mga kapulisan.  | Aksyon Alvin Grava

What’s your Reaction?
+1
1
+1
0
+1
0
+1
0
+1
0
+1
0
+1
0

BACOLOD GINKILALA NGA 2ND RUNNER-UP SA LOCAL LEGISLATIVE AWARDS 2023

December 6, 2023

Ginkilala ang Sangguniang Panlungsod sa syudad sang Bacolod bilang 2nd runner-up sa Local Legislative Awards 2023 para sa highly-urbanized category nationwide.

Ginbaton ni Vice Mayor El Cid Familiaran ang pasidungog kaupod ang pila ka mga konsehal sang Bacolod sang Martes, Disyembre 5.

Ini nga pagkilala ang base sa programa sang DILG kaupod ang Philippine Councilors League.

Nangin kampeon para sa highly-urbanized category ang syudad sang Quezon samtang 1st runner-up ang syudad sang Mandaue.

Ginpahayag ni Familiaran, 2019 tubtob 2022 nga datus ang ginbasehan sa evaluation. Suno sa bise-alkalde, nalutos sang Bacolod ang 33 ka iban pa nga HUCs gikan sa iban nga rehiyon.

Ginbasehan sa evaluation ang Responsiveness of the Legislative Agenda; Availability of Legislative Documents; Effectiveness and Efficiency of Performance of the Sanggunian; kag Legislative Citations and Awards and Capacity Development for Legislators and Staff.

Ginbaton sang Bacolod ang 50 mil pesos nga premyo. | Councilor Jason Villarosa Photos

What’s your Reaction?
+1
0
+1
0
+1
0
+1
0
+1
0
+1
0
+1
0

DSB PNP MAY PANUGYAN SA MGA DRIVER MATAPOS ANG TRAHEDYA SA ANTIQUE

December 6, 2023

Nagpahanumdum sa publiko ang Don Salvador Benedicto PNP nga dapat yara sa maayo nga kondisyon ang ila nga mga salakyan kun magbyahe sa mga talakladon nga lugar.

Suno kay Police Major Rey Tolosa, hepe sang DSB PNP, kalabanan sa mga salakyan nga nagalabay sa banwa mga dalagko nga salakyan kag long distance ang byahe.

Aminado si Tolosa nga may nagaluntad nga aksidente nakaligad nga binulan ilabi na sa mga likuan kag talakladon nga dalan bangud indi sunado sang iban nga drivers ang dalanon.

Panugyan ni Tolosa, dapat kondisyon man ang driver agud makatutok sa pagmaneho kag maghinay gid sa pagpadalagan ilabi na kun bag-o lang nakalabay sa lugar.

Ang DSB PNP kag Land Transportation Office (LTO) ang masami nga nagapatigayon sang information dessimination campaign kag operations agud mabuligan ang mga motorista nga malikaw sa aksidente.

Nahibaloan, 17 ang patay, pito ang kritikal kag apat ka mga persona na ang yara sa istable nga kondisyon bangud sang natabo nga aksidente sa Hamtic, Antique.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.