ILOY, NAGREKLAMO MATAPOS NAPATAY ANG IYA LAPSAG SA LORENZO ZAYCO DISTRICT HOSPITALSA KABANKALAN

Share on facebook
Share on pinterest
Share on twitter
Share on print

Nagpabutyag sang pagkadismaya ang 23 anyos nga iloy matapos napatay ang iya lapsag bangod sa gin alegar malpractice sang medical professionals sa Lorenzo Zayco District Hospital sa syudad sang Kabankalan.

Sa interview sa Aksyon Reports Afternoon Edition, ginpahayag sang iloy nga ginkilala kay Brielle Gem Allones sang Barangay Poblacion, banwa sang Cauayan nga sa iya pagbata, nag-eksperyensiya ini sang kabudlay bangod wala gintugutan ang iya pangabay nga ipaagi sa caesarean section.

Suno pa kay Allones nga na-fracture ang abaga sang iya lapsag bangod ginbutong usar ang forcep apang gin alegar nga ginpanginwala sang medical personnel nga nagpabata nga sila ang may kahimuan.

Dugang pa ni Allones, nga nadiskubre nga may buho sa korason ang iya lapsag kag ginrekomendar sang private pediatrician nga i-admit apang amo na lamang ang pagkadismaya sini tungod makapila ka beses nag-inject sang dextrose nga nagresulta sa pagpalang git-om sang bata.

Wala pa nakapagwa sang pahayag ang ospital angot sa natabo kag reklamo sang ginikanan.

What’s your Reaction?
+1
0
+1
0
+1
0
+1
0
+1
0
+1
0
+1
0

HIGH SCHOOL STUDENT DAKOP MATAPOS MABAKLAN SANG MARIJUANA SA BUY-BUST

Nakumpiskar ang tatlo ka plastic sachets sang marijuana isa ka high school student matapos positibo nga mabaklan pinaagi sa drug buy-bust operation sang Bacolod City Police Station 9 sa Prk.San Luis, Brgy.Sum-ag syudad sang Bacolod, Martes.

Ang nadakpan ang ginkilala kay Jeremy Lumanog, 19 anyos , ginakabig bilang isa ka street level individual (SLI) kag residente sang Prk. Proper , Brgy. Tabunan syudad sang Bago.

Narekober sa suspek ang 15.50 gramos sang ginapatihan marijuana kag nagabalor sang 2,000 pesos.

Suno kay Police Lieutenant Rondyl Tapang, hepe sang Police Station 9, nga nakabaton sila sang impormasyon nga si Lumanog ang nagabaligya sa kapareho man sini nga estudyante.

Palayag ni Tapang nga ila man hibaluon kung sa diin nagakuha sang supply si Lumanog .

Priso ang suspek sa Police Station 9. | Aksyon Zil Menardo

What’s your Reaction?
+1
0
+1
0
+1
5
+1
4
+1
1
+1
2
+1
6

MORE STORIES:

LIKE US ON FACEBOOK

error: Ooops... You are not authorized to copy this content.